مەملەكەت باسشىسى: جۇمىس بەرۋشىلەردىڭ 5 پايىزدىق زەينەتاقى جارنا تولەۋىنە قاتىستى داۋ-داماي باسىلار ەمەس
بۇل تۋرالى بۇگىن ۇلتتىق قوعامدىق سەنىم كەڭەسىنىڭ ەكىنشى وتىرىسىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«باعى ءبىر ماڭىزدى ماسەلە - زەينەتاقى جۇيەسىن جاڭعىرتۋ. جۇمىس بەرۋشىلەردىڭ مىندەتتى 5 پايىزدىق زەينەتاقى جارناسىن تولەۋىنە قاتىستى داۋ-داماي باسىلار ەمەس. مۇنى 2020 -جىلدىڭ 1-قاڭتارىنان باستاۋ كوزدەلگەن بولاتىن. الايدا، ءالى كۇنگە بارشاعا ورتاق ۇستانىم جوق. سوندىقتان جۇمىس بەرۋشىلەردىڭ مىندەتتى زەيتاقى جارناسىن ەنگىزۋ مەرزىمى كەيىنگە 2023 -جىلعا شەگەرىلدى. مەن بۇعان ەگجەي-تەگجەيلى توقتالماي-اق قويايىن»، - دەپ اتاپ ءوتتى مەملەكەت باسشىسى.
قاسىم-جومارت توقايەۆتىڭ اتاپ وتۋىنشە، بۇل ماسەلە ۇلتتىق كەڭەس مۇشەلەرىنىڭ الەۋمەتتىك- ەكونوميكالىق سالاداعى باسقا دا كوپتەگەن ۇسىنىستارى سياقتى پرەزيدەنت جولداۋىنىڭ اياسىندا قازىردىڭ وزىندە جۇزەگە اسىرىلىپ جاتىر.
اۆتور: مارلان جيەمباي
