ۇكىمەت ءبىلىم مەن عىلىمدى دامىتۋدىڭ جاڭا 5 جىلدىق باعدارلاماسىن ماقۇلدادى
«ءبىلىمدى دامىتۋ ەلباسى نۇرسۇلتان نازاربايەۆتىڭ ستراتەگيالىق باعىتىنىڭ نەگىزگى باسىمدىقتارىنىڭ ءبىرى. مەملەكەت باسشىسى قاسىم-جومارت توقايەۆ قازاقستان حالقىنا جولداۋىندا ءبىلىم بەرۋ ساپاسىن ارتتىرۋ، اۋىل مەن قالا مەكتەپتەرى اراسىنداعى الشاقتىقتى ازايتۋ جانە پەداگوگتەردىڭ مارتەبەسىن كوتەرۋ ماسەلەسىنە ەرەكشە ءمان بەرەدى. قازىرگى تاڭدا پارلامەنتتە «پەداگوگ مارتەبەسى تۋرالى« زاڭ جوباسى قارالۋدا. پرەزيدەنت تاپسىرماسىن ورىنداۋ اياسىندا مۇعالىمدەردىڭ جالاقىسى 2020 -جىلدان باستاپ 4 جىلدىڭ ىشىندە 2 ەسە ۇلعاياتىندىعى جوسپارلانعان»، - دەدى اسقار مامين.
ۇكىمەت باسشىسىنىڭ ايتۋىنشا، مەملەكەتتىك باعارلاما اياسىندا بالالاردى بالاباقشامەن 100 پايىز قامتاماسىز ەتىلەدى. قازاقستان وقۋشىلارىنىڭ فۋنكتسيونالدىق ساۋاتتىلىعى مەن ءبىلىمدى پراكتيكادا قولدانۋ قابىلەتىن باعالايتىن الەمدىك رەيتينگ بويىنشا الدىڭعى 40 مەملەكەتتىڭ قاتارىنا كىرۋ جوسپارلانعان. بارلىق مەكتەپتەر زاماناۋي كابينەتتەرمەن جابدىقتالادى. ءۇش اۋىسىمدى وقىتۋ تولىعىمەن توقتاتىلادى. اپاتتى مەكتەپتەر جابىلادى. وسى جىلدارى ەلدە 800 گە جۋىق جاڭا مەكتەپ سالىنادى. الەۋەتى جوعارى ەلدى مەكەندەردە 114 ينتەرنات اشىلادى.
«ءبىلىم سالاسى ينۆەستيسيالىق تارتىمدىلىعى جوعارى بولۋدا. الداعى 5 جىلدىڭ ىشىندە سالاعا 14,5 تريلليون تەڭگە ينۆەستيتسيا ءبولۋ جوسپارلانعان. سونىڭ ىشىندە 1,3 تريلليون تەڭگە جەكە ينۆەستيتسيا تارتىلادى. بۇل جەكە ينۆەستورلاردىڭ ەسەبىنەن قوسىمشا 150 وقۋشى ورنىن قۇرۋعا مۇمكىندىك بەرەدى. ەل ەكونوميكاسى ءۇشىن عىلىمنىڭ پايداسىن ارتتىرۋ ءۇشىن عىلىمي- زەرتتەۋ جۇمىسى جاڭارتىلادى جانە عىلىمعا جۇمسالاتىن شىعىستار 7 ەسەگە ۇلعايادى. جالپى ءبىلىم بەرۋدى قارجىلاندىرۋ كولەمى ج ءى ءو-نىڭ 7 پايىزىنا جەتەدى»، - دەدى ۇكىمەت باسشىسى.
وسىدان كەيىن پرەمەر-مينيستر جاڭا باعدارلاما جوباسىن ماقۇلداۋعا ۇسىنىپ، ۇكىمەت مۇشەلەرى ونى ءبىراۋىزدان قولدادى.
«ءبىلىم مينيسترىنە كەلەسى جىلدان باستاپ باعدارلامانى ىسكە قوسىپ، جوسپارلى كورسەتكىشتەرگە قول جەتكىزدى تاپسىرامىن. بەردىبەك ماشبەك ۇلى، باقىلاۋعا الىڭىز»، - دەدى اسقار مامين ورىنباسارى بەردىبەك ساپاربايەۆقا قاراتا.
اۆتور: مارلان جيەمباي
