شەتەلدىك بلوگەرلەر تۇسىرگەن قازاقستان تۋرالى 5 ۆيدەو

نۇر-سۇلتان. قازاقپارات -  قازاقستان تۋرالى شەتەلدىكتەردىڭ پىكىرى مەن اسەرى ءاردايىم قىزىق. ءبىرىنىڭ جەرگىلىكتى تابيعاتقا تامسانىپ قايتقانى بىرەۋگە ساياحاتتاۋعا شابىت سىيلاسا، ءبىرىنىڭ سىنى قالا باسشىلارىنىڭ قاپەرىنە الاتىن كومەك بولماق.

نازارىڭىزعا شەتەلدىك بلوگەرلەردىڭ قازاقستان تۋرالى ۆيدەولارىن ۇسىنامىز.

 #FollowMeTo

 #FollowMeTo اتتى تانىمال جوبانىڭ اۆتورلارى مۇرات جانە ناتالي وسمان قازاقستاندا بولىپ، تارتىمدى ۆيدەو جاسادى. ۆيدەو رەجيسسەرى - ايسۇلتان سەيىتوۆ. ۆيدەودا ءۇستىرت، قايىڭدى كولى، شارىن شاتقالى، «نۇر- الەم» پاۆيلونى، «استانا وپەرا» تەاترىندا تۇسىرىلگەن.

 Divert Living

 امەريكان دجيممي مەن تاي قىزى تا 2017 -جىلدان باستاپ ساياحاتتاپ، ۆيدەوبلوگ جۇرگىزەدى. ولار بيىل قاتون- قاراعاي ۇلتتىق پاركىندە بولىپ قايتتى.

 varlamov

رەسەيلىك بلوگەر، ۋربانيست يليا ۆارلاموۆ الەم قالالارىن ارالاپ، ولارعا باعا بەرەدى، سىنايدى، ۇناعانىن ايتادى. ول 2019 -جىلدىڭ باسىندا نۇر- سۇلتان (ول كەزدە استانا) قالاسىندا بولىپ، قالانىڭ قۇرىلىمىن، ساۋلەتىن سىنعا الدى. «استانا قالاسى ءوز قاتەسىن مويىنداپ، ونى تۇزەۋى ءتيىس. ۇلكەن بۋلۆارلار، ساياباقتار، بوس جاعالاۋلار، الاڭقايلاردى قامتۋ ۇلكەن شىعىنعا ۇشىراتادى. ولار ەشكىمگە كەرەك ەمەس جانە ول جەردە سالىق تولەيتىن، قورشاعان ورتاعا پايدا اكەلەتىن ەشتەڭە جوق»، - دەيدى ول. 24 -ناۋرىزدا ۆارلاموۆ نۇر- سۇلتان تۋرالى تاعى ءبىر ۆيدەو جاريالادى. ال وعان دەيىن ۋربانيست الماتىنى دا سىنعا العان ەدى.

 Haley Dasovich

 حەيلي ءوزىنىڭ كاليفورنياداعى ءومىرىن Youtube ارناسىنا جاريالاپ وتىرادى. مۇندا ول قازاقستانعا ساپارى تۋرالى 3 ۆيدەو جاريالادى.

 Flying The Nest

ستيۆەن مەن دجەسس اۋسترالياداعى ەڭ تانىمال ساياحاتشى- بلوگەرلەر. ولاردىڭ ايتۋىنشا، بلوگ ارقىلى ادامداردى ساياحاتتاۋعا، ارمانداۋعا، شابىت الىپ، جاڭا نارسەنى بىلۋگە شاقىرادى. ولار «التىن ەمەل» ۇلتتىق پاركىندە، جاركەنت، الماتى، نۇر- سۇلتان قالالارىندا بولىپ قايتقان.

Massaget.kz