كەشىرىم سۇراۋدى قاجەت ەتپەيتىن 5 جاعداي
اينالاڭىزداعى ادامدار سىزگە جول سىلتەگەنىمەن، وعان قۇلاق اسۋ نە اسپاۋ ءوزىڭىزدىڭ قۇزىرىڭىزدا. سوندىقتان، ولار قالاعانداي ءومىر سۇرمەگەنىڭىز ءۇشىن كەشىرىم سۇراۋدى قويعانىڭىز دۇرىس.
ءوزىڭىزدى ءبىرىنشى ورىنعا قويىڭىز: ءوزىنىڭ جاعداي مەن باقىتىن ءبىرىنشى ورىنعا قوياتىن ادامداردى قوعام «ەگويست»، «ءوزىمشىل» دەپ اتايدى. ءبىراق، وزگە بىرەۋدىڭ ارالاسۋىنسىز ءوز ءومىرىڭىزدى قولعا الساڭىز، باقىت پەن جەتىستىككە دەگەن العاشقى قادامدى جاسادىڭىز. بۇل قادامىڭىز باسقالارعا ۇناماسا دا، ول ءۇشىن كەشىرىم سۇراۋدىڭ قاجەتى جوق.
ءوز ەموتسياڭىزبەن بولىسسەڭىز: بىزگە بالا كەزدەن قوعامدا ادام بالاسى ءوزىن- ءوزى ۇستاۋ ەرەجەلەرىن سانامىزعا ءسىڭىرىپ وسىرەدى. ارتىق سويلەمەۋ، كۇلمەۋ نەمەسە سەزىمدەردى جاسىرۋ. ءبىراق، ءسىزدىڭ « ءسىز» ەتەتىن - ىشكى سەزىمدەر عانا. سوندىقتان، ودان ۇيالماڭىز.
ءوزىڭىز قالاعان جولمەن اقشا تابىڭىز: ەگەر جاساپ جۇرگەن جۇمىسىڭىزدان راحاتتاناتىن بولساڭىز، ومىرىڭىزگە جەتكىلىكتى تابىس كوزى مەن رۋحاني جەتىلۋگە مۇمكىندىگىڭىز بولسا، وندا ءوزىڭىزدىڭ تاڭداعان باعىتىڭىز ءۇشن ەشقاشان كەشىرىم سۇراماڭىز.
ءوز وتكەنىڭىزدەن ۇيالماڭىز: كەيبىر ادامدار وزگەنىڭ وتكەن قاتەلىگىن ەسكە الىپ، بەتىنە باسقاندى ءجون سانايدى. ءومىردىڭ ءوزى ەستەلىكتەر مەن تاجىريبەلەردەن، قاتەلىكتەر مەن تاڭداۋلاردان تۇرادى. وتكەندى ءبىر تاجىريبە رەتىندە قابىلداڭىز جانە قاتەلىكتەر ءۇشىن كەشىرىم سۇراماڭىز.
ءوز پىكىرىڭىز ءۇشىن: بەلگىلى ءبىر ادامنىڭ پىكىرىمەن كەلىسە قويماساڭىز دا، ونى قۇرمەتتەۋگە بولادى. ەگەر ءوزىڭىزدىڭ پىكىرىڭىز بولسا، ونى جەتكىزە ءبىلىڭىز جانە ۇيالماڭىز.
Massaget.kz