يزرايلدە 5 مىڭ جىلدىق تاريحى بار كونە قالا تابىلدى
كونە قالادا 6 مىڭ ادامنان كەم حالىق تۇرماعان. وندا كوشەلەر، ورامدار، جەرلەۋ وردالارى مەن قورعانىس قاقپالارى بولعان.
ارحەولوگتار تابىلعان قالانىڭ استىنان 7 مىڭ جىلدىق تاريحى بار تاعى ءبىر ەلدىمەكەندى تاۋىپ العان.
«بۇل - قولا ءداۋىرىنىڭ نيۋ- يوركى، كوسموپوليتتىك جانە جاقسى جوسپارلانعان قالا. سول ءداۋىر تۋرالى جانە يزرايلدەگى ۋرباندالۋ كەزەڭى تۋرالى ءبىلىمىمىزدى تۇبەگەيلى وزگەرتەتىنىنە كۇمان جوق» ، - دەلىنگەن ارحەولوگتاردىڭ مالىمدەمەسىندە.
ەن ەسۋر اتاۋىنا يە قالا 650 دۋنام نەمەسە 160 اكر جەردى الىپ جاتىر. بۇل سول كەزەڭنىڭ بۇعان دەيىن تابىلعان قونىستارىنان ەكى ەسە ۇلكەن اۋماق. ءيزرايلدىڭ ەسكىلىك ەسكەرتكىشتەرى باسقارماسىنىڭ مالىمەتىنشە، قالا تۇرعىن جانە كوممەرتسيالىق ورامدارعا بولىنەدى.
قالا ورنىنان شامامەن 4 ميلليون قالدىقتار تابىلعان، سونىڭ ىشىندە ادامدار مەن جانۋارلاردىڭ مۇسىنشەلەرى، كەراميكالىق بۇيىمدار مەن ءارتۇرلى قۇرالدار. كەيبىرى مىسىردان اكەلۋنگەن.
ارحەولوگيالىق قازبا ورىندارىنان تابىلعان جانۋارلاردىڭ ورتەنىپ كەتكەن سۇيەكتەرى قالادا قۇرباندىق شالىنعانىنا دالەل.
ادامداردى بۇل مەكەننىڭ ەكى تۇشى سۋ كوزى، شۇرايلى جەرى جانە ساۋدا جولدارىنا جاقىندىعى قىزىقتىرعان بولۋى كەرەك.
ارحەولوگتاردىڭ بۇل وڭىردەگى قازبا جۇمىستارى ەكى جارىم جىلدان استام جالعاسىپ جاتىر. جۇمىسقا 5 مىڭ ءجاسوسپىرىم مەن ەرىكتىلەر جۇمىلدىرىلعان. قونىس جاڭا شوسسەنىڭ قۇرىلىسى كەزىندە تابىلعان.
