كەز كەلگەن ادامعا ۇلگى بولار 5 بالا
بۇل ماقالادا ايتىلعان بالالار ءۇشىن مۇمكىن ەمەس نارسە جوق. سونداي- اق، ولار ءۇشىن فيزيكالىق جانە قارجىلىق مۇمكىندىكتەر ماڭىزدى ءرول اتقارمايدى. جوۋ اناسىنا بەرگەن ۋادەسىن ورىندادى ءبىر كۇنى جوۋ اناسىنان كەرەمەت ۇلكەن يۋيشان تاۋى تۋرالى اڭگىمە ەستيدى. سول كەزدە بالا بىردەن سول تاۋعا اناسىمەن بىرگە شىعۋدى ارماندايدى. ءبىراق اناسى جاقىندا اياعىنا وتا جاساتقاندىقتان كەلىسپەيدى، الايدا كەيىن بىرگە شىعاتىنىن ايتادى. ءبىر جىل بۇرىن جوۋ 4 كە تولعاندا ونىڭ اناسى قايتىس بولادى. ءبىراق بالا ءوز ۋادەسىن ۇمىتپايدى.
ول اكەسىنە بىلاي دەيدى: «انام اسپاندا، ال يۋيشان تاۋى وتە بيىك. ەگەر ونىڭ شىڭىنا شىقسام، مۇمكىن، اناما جاقىنداي تۇسەمىن. « بالاسىنىڭ بۇل سوزدەرىن ەستىگەن اكەسى وعان ارمانىن ورىنداۋعا كومەكتەسەدى. تاۋدىڭ باسىنا شىعۋ كەزىندە جوۋ تاۋ اۋرۋىمەن قينالادى، ءبىراق سوندا دا ءوز جولىن توقتاتپايدى. 2019 -جىلدىڭ 19 - تامىزىندا جوۋ شىڭعا (تەڭىز دەڭگەيىنەن 3952 م) شىعىپ، اناسىنىڭ سۋرەتىن الىپ، بىلاي دەيدى:
«اناشىم، مەن ساعان اسپانعا كەلدىم». اكەسى ۇلىمەن ماقتانادى جانە ولاردى باقىلاپ جۇرگەن وقىرماندارىنا العىس ايتادى.
دجوردان مۇگەدەكتىك ءومىرىن مۇمكىندىكتەرگە تولتىرادى
دجوردان ريۆز سول قولىنىڭ ءبىر بولىگىنسىز ومىرگە كەلەدى. ءبىراق ول وزىنە جانە قورشاعان ورتاعا مۇگەدەكتىك ءومىر ەرەكشە مۇمكىندىكتەرگە تولى ەكەنىن دالەلدەپ كەلەدى. ول 13 جاسىنان باستاپ ءوزىن جانە باسقا دا بالالاردى قاھارمانعا اينالدىراتىن پروتەزدەر ويلاپ تابادى. مىسالى، ونىڭ بىرەۋى جىلتىرعا بويالعان جالعىز ءمۇيىزدىڭ مۇيىزىنە ۇقساسا، ال باسقاسى قاجەتتى زاتتاردى الۋعا كومەكتەسەتىن تەڭىز قاراقشىسىنىڭ ىلمەگىن ەسكە تۇسىرەدى. بىرەۋلەرگە بۇل پروتەزدەر اقىماقتىق سەكىلدى كورىنۋى مۇمكىن، ءبىراق ول بالالار مەن ولاردىڭ اتا- اناسىنا دەنە ەرەكشەلىگىنەن الاڭداۋعا كومەكتەسەدى.
لەوناردو 9 جاسىندا مەكتەپ اشتى
لەوناردو نيكانور كينتەروس ارگەنتينادا لاس- پەدراتاس قالاسىنداعى كەدەي اۋداندا وسكەن. بۇل جاقتا جەرگىلىكتى بالالار ءبىلىم الۋ ءۇشىن اقىلى كولىكپەن كەلەسى اۋدانعا بارۋ كەرەك. كوپتەگەن وتباسىدا مۇنداي مۇمكىندىك جوق. سوندىقتان لەوناردو ولارعا كومەكتەسكىسى كەلەدى. 9 جاسىندا لەوناردو اجەسىنەن ارمانىنىڭ ورىندالۋىنا كومەكتەسۋىن سۇرايدى: ول كەدەيلەرگە مەكتەپ اشقىسى كەلەدى. ولار ءۇيدىڭ ارتىنداعى اۋلاعا ءتۇرلى زاتتاردان سىنىپ جاسايدى. مىسالى، پارتالار مەن ورىندىقتاردى جاشىكتەردەن قۇرايدى. بالانىڭ ءىسى كورشىلەرگە شابىت بەرىپ، ولار مەكتەپكە كىتاپتار، وقۋلىقتار، قاعازدار جانە ت. ب زاتتار اكەلە باستايدى. 4 جىل وتكەن سوڭ لەوناردو مەكتەپتى تىركەيدى. ونىڭ ارقاسىندا شامامەن 36 بالا ءبىلىم الىپ شىعادى.
برودي 5 جاسىندا زىلتەمىر كوتەرەدى
ءسىز جاتتىعۋ زالىنا باراسىز با؟ ال 5 جاسار برودي بوۋەن اناسىمەن بىرگە اۋىر اتلەتيكامەن اينالىسىپ، زىلتەمىر كوتەرەدى. ءبروديدىڭ اناسى بوديبيلدينگپەن شۇعىلدانادى. ول قىزدى بولعاندا ونى ۇنەمى وزىمەن بىرگە جاتتىعۋ زالىنا الىپ جۇرەدى. سولاي قىزىنىڭ سپورتقا قىزىعۋشىلىعى ويانادى. قازىر برودي بىردە- ءبىر جاتتىعۋدى قالدىرمايدى. ارينە، اناسى وعان وتە اۋىر كوتەرۋگە رۇقسات بەرمەيدى جانە ءار جاتتىعۋىن مۇقيات قاداعالايدى. ءبىراق سوندا دا ءبروديدىڭ جەتىستىكتەرى كۇننەن كۇنگە وسۋدە. ول 5 جاسىندا 7 ك گ سالماقتاعى زىلتەمىردى كوتەرەدى. ال ونىڭ شىنىققان بۇلشىقەتتەرىنە كەز كەلگەن ادام قىزىعا قارايدى. اناسى مەن قىزىنىڭ سۋرەتتەرى ينستاگرامدى جاۋلاپ الدى، قازىر بوۋەن وتباسىسىنىڭ ءومىرىن 234 مىڭ وقىرمان قىزىعا باقىلايدى.
راتمير اۋرۋىن جەڭىپ، چەمپيون اتاندى
راتمير جانگۋربايەۆ 2,5 جاسقا تولعاندا دارىگەرلەر وعان لەيكوز دياگنوزىن قويعان. بالانىڭ اعزاسىنداعى راك جاسۋشالارى% 95 بولعان. ءراتميردىڭ ەمى 9-ايعا سوزىلادى. ول راكتى جەڭىپ شىقتى. ءبىراق دارىگەرلەر بالادان س گەپاتيتىن انىقتايدى. ونىمەن كۇرەسۋگە تاعى ءبىر جىل كەتەدى. راتمير اۋرۋحانادان ۇيگە كەلگەندە دارىگەرلەر وعان ۇيدە وتىرۋدى ۇسىنادى. ءتىپتى، مەكتەپكە دە ءازىر بارماۋىن سۇرايدى. ءبىراق بالا بۇل ۇسىنىستارمەن كەلىسپەي، مەكتەپكە بارىپ، دجيۋ- دجيتسۋمەن اينالىسادى. راتميردىڭ سپورتقا يكەمى جاقسى بولىپ، جۇلدەلى ورىندار الا باستايدى. بالا العاشقى مەدالىن ونكولوگيالىق بولىمگە اپارىپ بەرەدى.
2019 -جىلى راتمير جانگۋربايەۆ دجيۋ- دجيتسۋ بويىنشا الەم چەمپيونى اتانىپ، ەشقاشان ءۇمىت ۇزبەي، ءاردايىم كۇرەسۋ كەرەگىن دالەلدەدى. راتمير جايلى تولىعىراق «باتىرلار ارامىزدا» ارنايى جوباسىنان وقي الاسىزدار.
Massaget.kz
