ەلوردالىق وقۋشىلارعا 5 مىڭ اسىق سىيعا تارتىلادى
«ق ر ۇلتتىق سپورت قاۋىمداستىعى ەلوردالىق وقۋشىلارعا 5 مىڭ اسىقتى سىي رەتىندە بەرگەلى وتىر. ونداعى ماقسات - ۇلتتىق ويىنىمىزدى جاسوسپىرىمدەر اراسىندا كەڭىنەن تاراتىپ، دارىپتەۋ. اسىقتاردى استانالىق مەكتەپتەر مەن اۋلا كلۋبتارىنا بەرەتىن بولامىز. ياعني بالالار وزدىگىمەن ويناپ ۇيرەنۋلەرى ءۇشىن. اسىق اتۋ بۇرىننان كەلە جاتقان ويىن. سوندىقتان جاس جەتكىنشەكتەر اراسىندا ۇلتتىق قۇندىلىقتى ناسيحاتتاۋ جاقسى يدەيا دەگەن ويدامىن»، - دەدى بولات ماجاعۇلوۆ.
ودان بولەك، باسقارما باسشىسى 1 - ماۋسىم - حالىقارالىق بالالاردى قورعاۋ كۇنى مەرەكەسىنە وراي «حانشاتىر» ساۋدا، ويىن- ساۋىق ورتالىعى الاڭىندا بالدىرعاندارعا ارنالعان الاڭ جۇمىس ىستەيتىنىن ايتىپ ءوتتى.
«وندا بالالارعا قۋىرشاق تەاترىنىڭ قويىلىمدارى ۇسىنىلىپ، اسىق اتۋ جانە لاڭگى تەبۋدەن ويىندار وتەدى. سونداي- اق، وتباسىلارعا ارنالعان ەستافەتالىق جارىستار ۇيىمداستىرىلادى»، - دەدى ول.
اۆتور: داۋلەت ىزتىلەۋ