يەمەندە سوعىستىڭ كەسىرىنەن 5 ميلليون ادام جۇمىسسىز قالعان
ۆەدومستۆانىڭ مالىمەتىنشە، ەلدەگى ۇزاق مەرزىمدى تۇراقسىزدىقتان وتاندىق جانە شەتەلدىك كومپانيالار جابىلىپ قالعان نەمەسە جۇمىستارىن توقتاتقان. ناتيجەسىندە 5 ميلليوننان اسا ادام جۇمىسسىز قالعان. ەل ۇكىمەتى ەكونوميكانى قايتا جانداندىرۋ ءۇشىن ءتۇرلى باعدارلامالاردى قولعا الىپ جاتقان كورىنەدى.
ەسكە سالساق، 2014 -جىلدىڭ قىركۇيەك ايىندا كوتەرىلىسشى حوۋسيتتەر ەل استاناسى سانۋدى كەيىن يەمەننىڭ وڭتۇستىك اۋداندارىن باسىپ الىپ، پرەزيدەنت ءابد- راببۋ مانسۋرا ءحاديدى ساۋد ارابياسىنا قاشۋعا ءماجبۇر ەتكەن بولاتىن. 2018 -جىلدىڭ جەلتوقسان ايىندا يەمەن بيلىگى مەن حوۋسيتتەر ب ۇ ۇ اراعايىندىعىمەن بەيبىت كەلىسىمگە كەلىپ، سوعىستى توقتاتۋعا قول جەتكىزگەن ەدى. الايدا، كوپ ۋاقىت وتپەي جاتىر تاراپتار كەلىسىمدى بۇزدى دەپ ءبىر- ءبىرىن ايىپتاعان بولاتىن.
ب ۇ ۇ- نىڭ باس حاتشىسىنىڭ گۋمانيتارلىق ماسەللەر جونىندەگى ورىنباسارى مارك لوۋكوك وسى جىلدىڭ قاڭتار ايىندا ب ۇ ۇ قاۋىپسىزدىك كەەڭسىندە جاساعان بايانداماسىندا يەمەندە 24 ميلليون ادام بار ەكەنىن جانە حالىقتىڭ %80 گۋمانيتارلىق كومەكتى قاجەت ەتەتىنىن مالىمدەگەن بولاتىن. اسىرەسە 10 ميلليون ادامعا ازىق- تۇلىك جەتىسپەيدى. وعان قوسا، سوعىس سالدارىنا 3,3 ميلليون يەمەندىك وتانىنان كەتۋگە ءماجبۇر بولعان.