ءوزىڭىزدى جاقسى جاققا وزگەرتۋدىڭ 5 جولى
1. ءوزىڭىزدى الداماڭىز
ءتاتتى جەۋدى نەمەسە شىلىم شەگۋدى قويعىسى كەلىپ جۇرگەن ادامدى وزىڭىزگە ەلەستەتىپ كورىڭىزشى. ول كۇنى بويى ءتاتتى جەمەيمىن جانە شىلىم شەكپەيمىن، تەك كەشكە دەسسەرتتىڭ كىشكەنە بولىگىن جەپ نەمەسە ءبىر قانا شىلىم شەگەمىن دەپ ۋادە ەتەدى. ناتيجەسىندە ول كۇنى بويى وسىدان باسقا ەشتەڭە ويلامايدى. وسى سەبەپتەن جامان ادەتتەن قۇتىلۋ سونداي قيىن بولىپ ەسەپتەلەدى.
ەگەر ءسىز ءوزىڭىزدى وزگەرتكىڭىز كەلسە، ءىستى %98-عا دەيىن جاساۋعا بولادى دەگەن يدەيادان باس تارتىڭىز.
بارلىعى ورنىمەن بولۋ كەرەك، ايتپەسە ءوزىڭىزدى ارقاشان ىنتالاندىرۋ ءۇشىن ەنەرگيا قۇرتاسىز. ءوزىڭىزدى وزگەرتۋگە ۋادە بەرەسىز، ءبىراق ءاردايىم سول قالپى. ءسىز ءوزىڭىزدى جەڭە المايتىنىڭىزدى الدىن الا تيىپ العان سياقتىسىز.
ءبىراق سەن ءوزىڭ ويلاعاننان مىقتىسىڭ. سىزگە ەش نارسەنى تيۋدىڭ قاجەتى جوق، ءسىزدىڭ قولىڭىزدان كەلەدى. ارينە، ءوزىن- ءوزى دامىتۋ بارىسىندا قيىن بولادى، ءسىز ءوز قالپىڭىزبەن قوشتاساسىز. يا، ول راس: ەسكى قالپىڭىز كەتەدى، ءبىراق ونىڭ ورنىنا جاڭا قالپىڭىز كەلەدى.
2. ءومىردى وزگەرتۋ ءۇشىن، ءومىردىڭ ءبىر بولىگىن وزگەرتىڭىز
ادامنىڭ ويى باسقا جاقتا اداسىپ جۇرسە، ءبىر سالادا بيىك بەلەستەرگە جەتە المايدى.
ماحاتما گاندي
ءومىردىڭ ءبىر سالاسىنا، ءتىپتى كىشكەنە بولسا دا، جاعىمدى وزگەرىس ەنسە، ول ءوزىنىڭ كوپ اسەرىن بەرەدى. ەڭ باستىسى - كۇندەلىكتى الىنعان موتيۆاتسيانى باسقا سالالاردى وزگەرتۋ ءۇشىن پايدالانۋ كەرەك. مىسالى، كۇن سايىن وزىڭىزدەن سۇراڭىز: «مەن كەم دەگەندە %1- عا فيزيكالىق، ەموتسيونالدىق، پسيحولوگيالىق جانە پسيحيكالىق جاعدايىمدى جاقسارتتىم با؟ »
ءسىز جاقسى جاققا وزگەرگەن سايىن، ارى قاراي وزگەرۋگە قۇلشىناسىز. ءسىز كوپ بىلگەن سايىن، ءالى دە كوپ نارسەنى ۇيرەنۋ كەرەكتىگىن تۇسىنەسىز. كەشەگى كۇنمەن سالىستىرعاندا دامىعانىڭىز، جاقسارعانىڭىز ول وتە شابىتتاندىرادى. ەندى ويلاپ كورىڭىزشى، ەرتەڭ قانداي جەتىستىكتەرگە قول جەتكىزە الاسىز!
نەدەن باستاۋ كەرەك ەكەنىن بىلمەسەڭىز، ەشتەڭە ەتپەيدى. ەڭ باستىسى، ءبىر نارسەدەن باستاۋ. راس، وزگەرىستەر بىردەن بولمايدى، ءبىراق ولار ءبىرىنشى قادامنان باستالادى.
3. ءسىز قالاعان زاتىڭىزعا قول جەتكىزە الاسىز
ءسىز ويلاعان زاتىڭىزدان ارتىق ەشتەڭەگە قول جەتكىزە المايسىز. سوندىقتان ەڭ الدىمەن ويىڭىزدى وزگەرتىڭىز. وزىڭنەن سۇرا:
مەندە ۇلكەن ماقساتتار بار ما؟ (مەندە ۇزاق مەرزىمدى ماقساتتار بار ما؟)
مەن ولاردى 10 ەسەگە ارتتىرسام نە بولادى؟
مەن تابىسقا جەتەتىنىمە سەنەمىن بە؟ نەمەسە ءوزىمدى الداپ ءجۇرمىن بە؟
كوپ ادامدار ءوزىنىڭ ءومىرىن كەرەمەت بولادى دەپ ويلاي المايدى. ولاردىڭ ويىنداعى كەرەمەت بولاشاق ءومىر ارمانداۋعا ساي كەلمەيتىن سياقتى كورىنەدى. ءبىراق ەگەر ءسىز ادەتتەرىڭىزدى وزگەرتىپ جانە دامىعىڭىز كەلسە، ءسىز بارلىعىنا قول جەتكىزە الاتىنىڭىزعا سەنۋىڭىز كەرەك. قازىرگى بار زاتىڭىزدان جاقسىراق، ۇلكەنىرەك ويلاپ، سوعان ۇمتىلىڭىز.
4. ءوز ورتاڭىزدى وزگەرتىڭىز
ەگەر ءبىز ءوز ورتامىزدى قالىپتاستىرىپ، باقىلاماساق، ول ءوزىمىزدى قالىپتاستىرىپ، باسقارادى.
مارشالل گولدسميت، جاتتىقتىرۋشى «ءبىز جامان ادەتتەردەن ارىلۋ ءۇشىن قالاۋىمىز جەتكىلىكتى دەپ ويلادىق. ءبىراق ءوز ورتامىز وزگەرمەي، ايتارلىقتاي وزگەرىستەردى كۇتپەڭىز» دەيدى.
ارينە، ورتانى وزگەرتۋ وڭاي ەمەس. ءسىز ءتىپتى كەيبىر جەرلەرىن وزگەرتۋ مۇمكىن ەمەس دەپ ويلايسىز - بۇل سولاي قالىپتاسىپ قالعان. ءوزىڭىز وزگەرتە الاتىن زاتتان باستاڭىز. مىسالى، ءبىر قالىپتى جۇرە بەرمەڭىز جانە ونداي ادامداردى ءتوزۋدىڭ قاجەتى جوق.
5. كۇن سايىن جاقسى شەشىمدەر قابىلداڭىز.
نەگىزگى ماسەلە - ءبىز تەز ناتيجە كۇتەمىز. اسىقپاي، بىرتىندەپ بولاتىن پروگرەسس، بىزگە پروگرەسس سەكىلدى كورىنبەيدى. وسىعان بايلانىستى، كوپ جاعدايدا وزگەرەمىن دەگەن ارەكەتتەرى ساتسىزدىككە ۇشىرايدى. جىلدام ناتيجەنى كورمەي، ادامدار بۇرىنعى ادەتتەرىنە قايتا ورالادى.
ءبىراق ادام كەرەمەت يكەمدى. ءوزىڭىزدى كەز كەلگەن جەردەن وزگەرتە الاسىز. ءسىزدىڭ ارمانداعان ءومىرىڭىز، قول جەتىمدى. ءوزىڭىزدى جاقسارتۋ ءۇشىن جانە قالاعان نارسەگە قول جەتكىزۋ ءۇشىن، كۇندە دۇرىس شەشىم قابىلداپ ۇيرەنۋ كەرەك.