ۇكىمەت ورتتەن قازا تاپقان 5 بالانىڭ اتا-اناسىنا كوڭىل ايتتى
«بۇگىنگى وتىرىسىمىزدى وتكەن جەكسەنبىدە، دۇيسەنبىگە قاراعان تۇندە استاناداعى قايعىلى وقيعادان باستاعىم كەلىپ وتىر. ءورت كەزىندە ءبىر ءۇيدىڭ ورىمدەي 5 بالاسى قازا بولدى. جانتۇرشىگەرلىك جاعداي. ءبىر وتباسىنىڭ باسىنا تۇسكەن اۋىر قايعى. اي-كۇننىڭ امانىندا بەس بىردەي بالاسىنان ايىرىلىپ قالعان اتا-اناسىنا قۇداي كۇش-قۋات بەرسىن دەيمىز! مارقۇم بولعان بالالاردىڭ اتا-اناسىنا، تۋعان-تۋىستارىنا قايعىرىپ كوڭىل ايتامىز. الدا مۇنداي جاعدايدى ەشكىمنىڭ باسىنا بەرمەسىن دەپ تىلەيىك»، - دەدى پرەمەر-مينيستر.
ەسكە سالا كەتەيىك، 4- اقپان كۇنى تۇندە ەلوردانىڭ سارىارقا اۋدانىنداعى كوكتال-1 تۇرعىن ءۇي الابىندا جەكە ءۇيدىڭ اۋلاسىندا تۇرعىزىلعان ۋاقىتشا باسپانادا ءورت شىقتى. ءورتتى ءسوندىرۋ بارىسىندا 2006، 2008، 2014، 2016، 2018-جىلعى 5 قىز بالانىڭ دەنەسى تابىلدى.
ولاردىڭ كىشىسى نەبارى ءۇش ايلىق ءسابي ەدى. ءورت كەزىندە بەس بالانىڭ اتا-اناسى تۇنگى جۇمىستا بولعان.