ەلىمىزدىڭ بارلىق ايماعى جىلدام 5- بۋىن ينتەرنەتكە قوسىلادى
كەلەر جىلدان باستاپ الماتى وبلىسى مەن قالاسى جانە اقمولا وبلىسى مەن استانا 5G ينتەرنەتپەن قامتىلادى. پيلوتتىق جوبا كەيىننەن ەلىمىزدىڭ وزگە دە ايماقتارىنا كەزەڭ- كەزەڭىمەن ەنگىزىلەتىن بولادى. بۇل جۇمىس 2021 -جىلى اياقتالۋى ءتيىس.
ەگەر كوزدەگەن مەجە ىسكە اسسا، ەلىمىزدە ينتەرنەتتىڭ ساپاسى الدەقايدا جاقسارا تۇسەدى. بۇل رەتتە iot ياعني ينتەرنەت تاراتۋ ونىمدەرىن دامىتۋ ەلىمىز ءۇشىن وتە ماڭىزدى. بۇگىنگى فورۋمدا وسى ماسەلە جان- جاقتى تالقىلانىپ جاتىر.
سالا ماماندارىنىڭ ايتۋىنشا، بۇگىندە قازاقستاندا 25 ميلليون iot جۇيەسىنە قوسىلعان. 2025 -جىلى بۇل كورسەتكىش 4 ەسە ارتىپ، 100 ميلليون جەتۋى ءتيىس.
- فورۋم اياسىندا بەلدى سالا ماماندارى وزدەرىنىڭ يننوۆاتسيالىق شەشىمدەرىن ۇسىندى. ماسەلەن، كونراد ادەناۋەر اتىنداعى قوردىڭ قازاقستانداعى وكىلدىگىنىڭ باسشىسى توماس حەلم ەلىمىزدە 4-ونەركاسىپتىك ريەۆوليۋتسيانى ىسكە اسىرۋ ءۇشىن الدىمەن ءبىلىمدى دامىتۋ كەرەك دەپ سانايدى. ول ءۇشىن جوعارعى وقۋ ورىندارى وندىرىسپەن بايلانىس ورناتىپ، سالا ماماندارىن بىرلەسىپ دايىنداۋ كەرەك.
ال گەرمانيادان كەلگەن ساراپشى بۋرحارد شيلل ءوز ەلىنىڭ تاجىريبەسىمەن ءبولىستى. ونىڭ ايتۋىنشا بۇگىندە گەرمانيادا سيفرلاندىرۋ مەن يندۋستريا 4:0 جوباسىن ەنگىزۋگە جاۋاپتى 20 ايماقتىق ورتالىقتار جۇمىس ىستەيدى. ولار وسى سالاداعى سوڭعى جەتىستىكتەردى زەرتتەپ، قولدانىسقا ەنگىزەدى.