شەتەلدىكتەر قازاقستاندىق ۇيىمدارعا جىلىنا 5 ميلليارد تەڭگە قاراجات بولەدى

استانا. قازاقپارات - قوعامدىق دامۋ ءمينيسترى دارحان كالەتايەۆ قازاقستاننىڭ دونورلىق تۇرعىداعى ۇستانىمى تۋرالى ايتىپ بەردى، دەپ حابارلايدى قازاقپارات ءتىلشىسى.

«دونورلىق - ەڭ ماڭىزدى باعىتتاردىڭ ءبىرى. قازاقستان - قازىرگى تاڭدا بۇكىل الەمدىك بانكتىڭ باعالاۋى بويىنشا ج ءى ءو- ءسى ورتاشا دەڭگەيدەن جوعارى ەلدەردىڭ ءبىرى. وسىعان بايلانىستى ءبىزدىڭ مەملەكەت نەتتو- دونور بولىپ تابىلادى. دەمەك، بولىنگەن دونورلىق كومەكتىڭ دەڭگەيى الىناتىن كورسەتكىشتەن اسىپ تۇر. 2012 -جىلدان باستاپ ءبىزدىڭ ەل رەيتينگتە 28 ورىنعا كوتەرىلدى. قايىرىمدىلىق كومەك كورسەتۋ سالاسىندا ياعني ايتارلىقتاي ىلگەرىلەۋشىلىك بار. مالىمەتتەر بازاسىنداعى ۇ ە ۇ جوبالىق جۇمىسىنىڭ تالداۋ جۇمىستارى مىنانى كورسەتىپ وتىر: جىل سايىن شەتەلدىكتەر شامامەن ۇ ە ۇ- لاردى 5 ميلليارد تەڭگەگە قارجىلاندىرىپ وتىر»، - دەدى مينيستر بۇگىنگى VIII ازاماتتىق فورۋمدا.

ونىڭ ايتۋىنا قاراعاندا، 200-گە تارتا ۇ ە ۇ- عا شەتەلدەردەن قارجى بولىنەدى. ول قاراجاتتىڭ 70 پايىزى - ا ق ش پەن حالىقارالىق ۇيىمدارعا تيەسىلى.

«الەمدىك ترەند ورتا كلاسستى كومەك كورسەتۋگە تارتۋعا سايادى. الەمدىك باياندامالارعا سەنسەك، 2030 -جىلعا قاراي ول كلاسسقا شامامەن 2,5 ميلليارد ادامداي ارالاساتىن بولادى. ەگەر ورتا كلاسستىڭ ءاربىر وكىلى ءوز تابىسىنىڭ 0,5 پايىزىن قايىرىمدىلىققا جۇمساسا، وندا الەم ازاماتتىق قوعامعا شامامەن 319 ميلليارد ا ق ش دوللارىن اۋدارار ەدى. قازىرگى تاڭدا مينيسترلىك ۇكىمەتتىڭ تاپسىرماسىمەن قايىرىمدىلىق پەن دونورلىققا قاتىستى جاڭا زاڭ جوباسىن ازىرلەپ جاتىر. مۇنداعى نەگىزگى ماقسات - قوعامدىق ەرىكتى دونورلىق جولىنا دەگەن كەدەرگىلەردى الىپ تاستاۋ بولىپ تابىلادى. بۇل باعىت ازاماتتىق مادەنيەتتىڭ ءبىر بولىگى رەتىندە قالىپتاسۋى كەرەك»، - دەيدى ول.

مينيستر، سونىمەن بىرگە، قازاقستاندا بۇگىنگى تاڭدا 53 حالىقارالىق ۇيىم، 77 شەتەلدىك ۇكىمەتتىك ەمەس ۇيىم مەن قور جۇمىس ىستەپ تۇرعانىن تىلگە تيەك ەتتى.

«نەگىزگى تەندەنسيا: قازاقستانداعى كومەكتىڭ دامۋىن قارجىلاندىرۋ دەڭگەيى تومەندەپ كەلەدى، الايدا دونورلاردى قارجىلاندىرۋ ارتتى. بۇعان دونورلىق رەسۋرستاردىڭ بەلگىلى ءبىر كورسەتكىشتەرگە جەتۋدى كوزدەۋى سەبەپ بولۋدا. قازاقستان قازىرگى تاڭدا بۇكىل ورتالىق ازياداعى مەتودولوگيالىق ورتالىق بولا الارى ايقىن. قازاقستان شەتەلدىك دونورلىق ۇيىمدارمەن بىرلەسە جۇمىس ىستەۋگە دايىن. بىزگە مەملەكەت، دونور مەن قازاقستاندىق بيزنەس سەكىلدى ءۇش تاراپتان ءۇشجاقتى ىنتىماقتاستىق كەرەك»، - دەيدى ول.

ەسكە سالا كەتسەك، بۇگىن استانادا «ازاماتتىق قوعام جانە مەملەكەت: ديالوگ. سەرىكتەستىك. سەنىم» تاقىرىبىندا VIII ازاماتتىق فورۋم ءوتتى. شارا ەرتەڭ دە جالعاسادى.

اۆتور: ايان بەكەن ۇلى