الەمدەگى ەڭ ادەمى 5 مەكتەپ
بۇل مەكتەپتەر ءوزىنىڭ تەك بىرەگەي وقىتۋ باعدارلامالارىمەن عانا ەرەكشەلەنىپ قويماي، سونداي‑اق تاڭعاجايىپ ادەمى كورىنىسكە دە يە.
بولاشاق جۋرناليستەردى وقىتاتىن ورەستاد گيمنازياسى
طrestad Gymnasium
ورنالاسقان جەرى: كوپەنگاگەن، دانيا
سكانديناۆيادا 2007 -جىلى ەڭ ادەمى مەكتەپ رەتىندە تانىلعان عيماراتتا جوعارى سىنىپ وقۋشىلارىن جوو‑نا تۇسۋگە، ايتا كەتەتىن بولساق، ب ا ق، قارىم‑قاتىناس جانە مادەنيەت سالالارىنا مامانداندىرىلعان باعىتقا دايىندايدى. ورەستاد گيمنازياسى ۇلتتىق ءبىلىم بەرۋ رەفورماسى جۇرگىزىلۋىنىڭ ارقاسىندا پايدا بولدى. عيماراتتىڭ جوباسىمەن ءوزىنىڭ فۋتۋريستىك جوبالارىمەن الەمگە ايگىلى داتتىق 3XN Architecs كومپانياسى اينالىستى.
گيمنازيانىڭ ءتورت دەڭگەيلى عيماراتى openspace قاعيداسى بويىنشا قالاندى، ياعني مۇندا بولاشاق مەديامەنەدجەرلەر مەن جۋرناليستەر جۇمىس ىستەۋگە ءارى ارىپتەستەرىمەن اشىق كەڭىستىكتە ءوزارا قارىم‑قاتىناس جاساۋعا ۇيرەنەدى.
عيماراتتىڭ ورتاسىندا، دەڭگەيلەردى ءوزارا بايلانىستىراتىن، اينالمالى باسپالداق وتەدى. ال، ونىڭ اينالاسىندا كوۆوركينگ (سەرىكتەستىك، بىرلەسىپ جۇمىس ىستەۋ) ايماقتار جانە قاپ تارىزدەس جۇمساق وتىرعىشتارى بار دەمالۋعا ارنالعان الاڭدار ورنالاسقان، سونداي‑اق عيمارات سىمسىز ينتەرنەت جەلىسىمەن جابدىقتالعان.
دەنساۋلىعى ناشار بالالارعا ارنالعان مەكتەپ
Marcel Sembat High School
ورنالاسقان جەرى: سوتتيەۆيل‑لە‑رۋان، فرانتسيا
جۇمساق كليمات پەن تازا اۋا: مۇنداي جاعدايدا وقۋلىقتاردان باس كوتەرمەۋ جەڭىلىرەك بولادى، ال قورشاعان ورتاعا دەگەن جاۋاپكەرشىلىك جانە تىرشىلىك يەلەرىنە دەگەن ماحاببات بويعا وزدىگىنەن سىڭەدى.
مەكتەپتىڭ ەرەكشەلىگى ونىڭ جوباسىندا - ساباق وتۋگە ارنالعان تازا اۋاداعى كوگالداندىرىلعان ۇلكەن كەڭىستىك، ال ونىڭ شاتىرى تۇگەلىمەن گۇلزارعا ورانعان. ايتسە دە، مەكتەپ باعدارلاماسىنىڭ «ەكولوگيالىق» باعىتتان ايىرماشىلىعى جوق، Marcel Sembat High School مەكتەبى еco-friendly بەلگىسىمەن بارلىق وقىتۋ مەكەمەلەرىنىڭ تىزىمىنەن تابىلادى. مەكتەپ قۇرىلىسى 30 -جىلدارى باستالىپ، 90 -جىلدارى اياقتالعان، ءار ءتۇرلى ۋاقىتتاردا تۇرعىزىلعان التى عيماراتتان تۇرادى. مەكتەپ اۋماعىنىڭ جانىنداعى ۇلكەن ساياباقتا شەبەرلىك سىنىپتارى وتكىزىلىپ وتىرادى.
ەكولوگيالىق ماسەلەلەر جونىندە الاڭداۋشىلىق تانىتاتىندارعا ارنالعان مەكتەپ
Green School
ورنالاسقان جەرى: بالي، يندونەزيا
اتالمىش مەكەمە، ياعني دجون مەن سينتي حاردي اتتى ساۋلەتشىلەردىڭ تۋىندىسى ‑ پيتەر ءپەننىڭ ءۇيى مەن قىمبات قوناق ءۇي اراسىنداعى ۇقساستىق دەڭگەيىندە. ولار مەكتەپتى 8 گەكتار جەردى قامتيتىن اۋماقتا بالالاردى «وقىتۋعا ماجبۇرلەمەۋىمىز كەرەك» دەگەن ويمەن تۇرعىزدى.
مۇندا باليلىكتەردىڭ ءداستۇرى بويىنشا، سىرتقى قابىرعاسى «بامبۋكتەن جاسالعان ۇيشىكتەر» قولدانىستان تىس جانە مۇندا وقۋشىلار بۇكىل ۋاقىت بويى وزدەرى زەرتتەيتىن تابيعاتتىڭ اياسىندا بولادى. مەكتەپ باعدارلاماسىندا وقۋشىلاردىڭ ەستەتيكالىق قابىلداۋىن دامىتۋعا كوبىرەك كوڭىل بولىنگەن، ويتكەنى وقۋ ۋاقىتىنىڭ باسىم بولىگى مۋزىكامەن، شىعارماشىلىقپەن اينالىسۋعا جانە قورشاعان ورتاداعى تابيعاتپەن قارىم‑قاتىناس جاساۋعا ارنالادى. سونداي‑اق وقۋشىلارعا قاعاز دايىنداۋ، وسىمدىكتەرگە كۇتىم جاساۋ سياقتى اتالمىش ارالدىڭ ءداستۇرلى قولونەر تۇرلەرى ۇيرەتىلەدى.
عيماراتتىڭ ءوزى سياقتى مەكتەپ جيھازدارى كوبىنە بامبۋكتەن جاسالعان. مەكتەپتىڭ جانىندا شاعىن حايۋاناتتار باعى بار، ونداعى اڭدار وقۋشىلاردىڭ قاراۋىندا.
«ميلليونەر» وقۋشىلارعا ارنالعان مەكتەپ
Gstaad International School
ورنالاسقان جەرى: مونتاگولا، شۆەيتساريا
ەر بالالارعا ارنالعان تاڭداۋلى مەكتەپ قابىرعاسى 2015 -جىلى بۇرىنعى ارالاس پانسيوننىڭ ورنىنا قالاندى. مەكتەپ نەگىزىن قالاۋشىلاردىڭ ويىنشا، بولەك وقىتۋ - ءبىرقاتار باسىمدىلىققا يە، ولاردىڭ ەڭ باستىسى ەر بالالار وزدەرىنەن دامۋ جاعىنان باسىمىراق كەلەتىن قىز بالالاردىڭ الدىندا جەكە تۇلعا رەتىندە ەركىن پىكىر الماسا الادى. دەگەنمەن، مۇندا وقۋشىلاردى قاراما‑قارسى جىنىس وكىلدەرىنەن تولىعىمەن وقشاۋلاندىرۋعا ماجبۇرلەمەيدى، مۋزىكا، مادەنيەتتانۋ، قىسقى سپورت تۇرلەرى سياقتى كەيبىر ساباقتار وقىتۋدىڭ ارالاس تۇرىندە دە وتكىزىلەدى.
اتالمىش مەكتەپ مونترەدەگى قىز بالالارعا ارنالعان بارلىق مەكتەپتەر تيەسىلى بولعان بريتاندىق ءبىلىم بەرۋ توبىنا كىرەدى. مۇنداعى ءبىلىم بەرۋ اقىسى جىلىنا اتا‑انالاردىڭ قالتاسىنان تولەنەتىن 90 مىڭ فرانكتى قۇرايدى. تابيعاتى اسەم جەر الپينيزممەن شۇعىلدانۋعا، تابيعي لاندشافتتاردى تەرەڭىرەك زەرتتەۋگە تارتادى - وسى ەكەۋىنە دە مەكتەپ باعدارلاماسى جەتكىلىكتى دارەجەدە كوڭىل بولەدى. مەكتەپ عيماراتى مەن كامپۋس ءداستۇرلى شۆەيتساريالىقتارعا ارنالعان بيىك تاۋلى ەلدىمەكەندەر ستيلىندە تۇرعىزىلدى جانە دە سىرتتاي قاراعاندا ميلليونەرلەردىڭ ساياجايى نەمەسە قىمبات قوناق ءۇيدى ەسكە سالادى.
كىشكەنتاي دانىشپاندارعا ارنالعان مەكتەپ
Vittra Telefonplan
ورنالاسقان جەرى: ستوكگولم، شۆەتسيا
شۆەتسياداعى ەڭ ۇزدىك مەكتەپتەردىڭ ءبىرى، ءبىلىم بەرۋ نىساندارىمەن اينالىساتىن Rosan Bosch ساۋلەت اگەنتتىگىمەن جوبالانعان. 2000 شارشى مەترگە جۋىق بولاتىن مەكتەپتىڭ اۋقىمدى كەڭىستىگى لەگو‑ساياباعىن ەسكە سالادى. ءتۇرلى‑تۇستى بلوكتار، ەرەكشە قالىپتاعى جيھازدار، ساباق پەن دەمالاتىن ورىندارعا ارنالعان ەرەكشە جوبالانعان ايماقتار جانە دە كوپ فۋنكسيونالدى قولدانىستى مەڭزەيتىن نىساندار - وسىنىڭ ءبارى شۆەتسياداعى «بولاشاق مەكتەپتەر» توپتاماسىنىڭ ايرىقشا بەلگىسى رەتىندە عانا كورىنىپ قويماي، ءبىر جاعىنان وقۋشىلاردىڭ كەڭىستىكتى ويلاۋ مەن ساباق وقۋ ۇدەرىسى نەعۇرلىم جەمىستىرەك بولۋىنا ۇلەسىن تيگىزەدى.
مۇنداعى ءبىلىم بەرۋ وقۋشىلاردى جەكە ەرەكشەلىكتەرى مەن بەيىمدىلىكتەرىنە قاراي وتىرىپ، بىرنەشە ءتيپتى باعدارلامالارعا ءبولۋدى ۇيعارادى. ودان باسقا، مۇندا اقپاراتتىق تەحنولوگيالارعا ەرەكشە كوڭىل بولىنەدى، ءتىپتى ءبىرىنشى سىنىپ وقۋشىلارىنىڭ وزىندە دە نوۋتبۋكتەرى بار.