ساكەن مايعازيەۆ 5 ميلليون تەڭگەنى قايىرىمدىلىققا جۇمسادى

 استانا. قازاقپارات - بۇعان دەيىن جەلىدە ساكەن مايعازيەۆتىڭ 5 ميلليون تەڭگە گونورار الىپ ونى مۇقتاج جاندارعا بەرگەنى جاريا بولدى. ءانشى قوماقتى اقشانى كىمنىڭ گونورار رەتىندە بەرگەنىن ايتتى.

ءانشى شىندىعىندا 5 ميلليون تەڭگەنى قايىرىمدىلىققى بەرگەنىن راستادى. الايدا بۇل تۋرالى كوپكە جاريا ەتكىسى كەلمەگەن. بۇل تۋرالى وتاندىق جۋرناليستىڭ ءبىرى جەلىدە جازدى. كەيىن ءانشىنىڭ وزىنەن كەشىرىم سۇراعان.

«جۋرناليست قارىنداسىمنىڭ بۇل وقيعانى ءوز پاراقشاسىندا ءبولىسىپ، كەيىن جاريالاعانى ءۇشىن كەشىرىم سۇراعانى بار. ول «اعا، جاريالاعانىما رەنجىمەڭىز، ودان ءسىزدىڭ ساۋابىڭىزدى اللا قالاسا كەمىتپەس، ىشتەگى نيەتىڭىز بەلگىلى عوي. مۇمكىن بۇل ارەكەتىڭىزبەن باسقا ادامداردىڭ جاقسى ىسىنە سەبەپشى بولارسىز» دەپ ايتتى ماعان»، - دەپ ساكەن مايعازيەۆ مۇنى جۇرتقا جاريا ەتكىسى كەلمەگەنى تۋرالى جازدى.

مايعازيەۆكە ەلىمىزدەگى بەدەلدى كومپانيانىڭ تانىستىرۋشىسى بولعاندىقتان 5 ميلليون تەڭگە گونورار بەرگەن.

ءانشى ءوز تۋىسقاندارنىڭ دا كومەككە مۇقتاج ەكەنىن، نەسيە تولەپ وتىرعان جاقىندارى بار ەكەنىن اشىق ايتتى.

«نەسيەسى بار تۋىستارىم دا بار. ياعني ەشكىمنىڭ ءتورت قابىرعاسى تۇگەل ەمەس. اعا- اپكە، ءىنى- قارىنداستارىم دا قينالىپ ءجۇر. دەسە دە، ءبىزدىڭ اۋلەتىمىزدەن دە ناشار ءومىر ءسۇرىپ جاتقان قانشاما وتباسى بار. سول ادامدارعا سەپتىگىم تيگەنىن قالادىم»، - دەدى ءانشى.

 

zStan.k