مۇعالىمدەر تولتىرۋعا مىندەتتى 5 قۇجاتتىڭ ءتىزىمى بەكىتىلدى - ەرلان ساعاديەۆ
بۇل تۋرالى بۇگىنگى ۇكىمەت وتىرىسىندا ءبىلىم جانە عىلىم ءمينيسترى ەرلان ساعاديەۆ ءمالىم ەتتى، دەپ حابارلايدى قازاقپارات ءتىلشىسى.
«جاڭا وقۋ جىلىنىڭ قارساڭىندا مۇعالىمنىڭ جۇمىسىن جەڭىلدەتۋگە باعىتتالعان شارالار قابىلداندى. بىرىنشىدەن، ەستەرىڭىزدە بولسا، بىلتىردان بەرى مۇعالىمدەردى ءۇي ارالاتۋدان الىپ تاستادىق. مەكتەپتىڭ رەيتينگى دە الىندى. ەندى مينيسترلىك مۇعالىم جۇمىسىن جەڭىلدەتۋ ءۇشىن ءوز تاراپىنان پەداگوگتار تولتىرۋعا ءتيىس قۇجاتتار تىزبەسىن العاش رەت بەكىتتى. ول تەك بەس قۇجات. ودان باسقا مۇعالىمدەردەن ەشقانداي قاعاز، قۇجات سۇرالماۋى ءتيىس»، - دەيدى ەرلان ساعادييەۆ.
ۇكىمەت وتىرىسىنان كەيىن باسپا ءسوز ءماسليحاتىن وتكىزگەن ءبىلىم جانە عىلىم ۆيتسە- ءمينيسترى اسحات ايماعامبەتوۆ مەكتەپ مۇعالىمدەرى تولتىرۋعا مىندەتتى 5 قۇجاتتىڭ ءتىزىمىن ايتىپ بەردى.
«ناقتىراق ايتساق، ولار - كۇنتىزبەلىك- تاقىرىپتىق جوسپارلاۋ، ساباق بويىنشا جوسپارلاۋ، كرييتەرييلىك باعالاۋ، كۇندەلىك جانە سىنىپ جۋرنالى. جالپى، كۇندەلىك پەن جۋرنال بويىنشا قازىر سيفرلاندىرۋ ءجۇرىپ جاتىر»، - دەيدى اسحات ايماعامبەتوۆ.
اۆتور: ايان بەكەن ۇلى
