ءولىم الدىنداعى ادامداردىڭ ەڭ ءجيى كەزدەسەتىن 5 وكىنىشى

استانا. قازاقپارات - بۇل ماقالانىڭ ءالقيسساسى انكولوگيالىق اۋرۋمەن اۋىراتىن ناۋقاستارعا قارايتىن مەدبيكەمەن بولعان اڭگىمەدەن سوڭ تۋىنداپ وتىر.

ءسوز اراسىندا «ا» حانىم ءوزىنىڭ اتىن ايتپاۋىمىزدى وكىنگەن بولاتىن. قۇپ. ءبىزدىڭ بىلگىمىز كەلگەن دۇنيە اۋەلدەن ايگى. كەرىگە شەگىنەر جەر جوق، ءومىرىڭ دەم ۇشىندا تۇرعاندا نە نارسەگە وكىنىش تۋىندايدى؟ وكىنىش كوپ قوي... دەسەدە «ەڭ، ەڭ، ەڭ...» دەگەنى نە؟ سونىڭ توپ-5 رەيتينگىسىن قۇراپ كوردىك. مارحاببات:

1. ءوزى ءۇشىن ءومىر سۇرە الماعانى ءۇشىن

تەگى، ادامدار وزگەلەردىڭ كوڭىلىنە كوپ جىعىلىپ، ءوز ارماندارىن ءولتىرىپ الادى ەكەن. وسى ورايدا ءومىردىڭ قالاي ءوتىپ كەتكەنىن اڭعارمايدى. بۇل جوعالتقان ماحاببات، الدانعان كوڭىلدەن الدە قايدا اۋىر قايعا، باتپانداي وكىنىش بولسا كەرەك.

2. تىم كوپ جۇمىس ىستەگەنى ءۇشىن

كۇتپەدىڭىز بە؟ مەن دە تاڭ قالدىم. دەسە دە ۇزدىكسىز جانتالاسقا ۇزەڭگى سالىپ جارىسىپ ءجۇرىپ جىلداردىڭ قالاي وتكەنىن اڭدامايدى كەي ادام. جيعان تەرگەنى نە ءۇشىن؟ كىم ءۇشىن؟ ءوزىڭىز ويلانىپ كورىڭىزشى...

3. ءوز سەزىمىڭدى اشىق ايتۋعا باتىلدىقتىڭ جەتپەۋى

ءيا، بۇل وكىنىش جىلدار بويى قالىپتاسادى ەمەس پە؟ دوسىڭنىڭ كوڭىلىنە قاراۋ، باسقانىڭ كوڭىلىنە قاراۋ... وسى ورايدا ولارعا ءتان شىندىقتى تۇنشىقتىرۋ... ءيا، دەر كەزىندە باستعىڭا قارسى شىقپاۋ، سۇيگەنىڭە توقتاشى دەپ ۇندەۋ... مۇنىڭ بارلىعى جينالىپ ساپار سوڭىندا ايىقپاس وكىنىش بولۋى مۇمكىن. ويلانىڭىز.

4. جاقىندارىڭا كوڭىل بولمەۋ...

بارلىق وكىنىشتىڭ شىعۋ تەگى ءبىر. ول - بالانس ساقتاماۋ. كەي ادامدار جاقىندارىنا از كوڭىل بولگەنى ءۇشىن كۇيىنەدى. ءيا، ءيا... تۇيىقتىق، جۇمىسقا بەرىلۋ. وسى ورايدا تۋىستارىڭنىڭ سەنەن باس تارتۋى، ەكى بارماعان تۋعان كۇن يەسى ۇشىنشىسىندە شاقىرماۋى...

5. باقىتتان باس تارتۋ

بۇل باقىتتىڭ باعاسىن ءوسىرۋ دە. سەبەبى كەي ادام اتقان تاڭعا دا قۋانادى، كەي ادام تاۋىپ العان قازىناسا دا قاناعات قىلا المايدى. وسى جولدا ولار بارىنان ايىرىلادى ەكەن. ساپار سوڭىندا ءوز باقىتىن ءوزى توناعانىن سەزىنەدى... وكىنىش...

 

 دەرەككوزى: Reactor.kz