قازاقستاندىق وقۋشى قىز شاحماتتان ازيانىڭ 5 دۇركىن چەمپيونى اتاندى

 استانا. قازاقپارات - شري-لانكانىڭ ۆاكادۋۆا قالاسىندا وقۋشىلار اراسىندا شاحماتتان ازيا چەمپيوناتى ءوتتى.

الەم بىرىنشىلىگىندە قىزىلوردالىق اسەل سەرىكباي جەڭىسكە جەتىپ، چەمپيون اتاندى، دەپ حابارلايدى وبلىستىق سپورت باسقارماسىنىڭ باسپا ءسوز قىزمەتىنە سىلتەمە جاساپ Stan.kz.

№1 -قىزىلوردا وبلىسىنىڭ وليمپيادالىق رەزەرۆتىڭ مامانداندىرىلعان بالالار-جاسوسپىرىمدەر مەكتەبىنىڭ وقۋشىسى اسەل سەرىكباي 17 جاسقا دەيىنگى قىزدار اراسىندا راپيد بويىنشا جارىسقا ءتۇستى. ناتيجەسىندە ول 7 كەزەڭنەن 6 ۇپاي جيناپ، جەڭىسكە جەتتى.

وسىلايشا، وتانداسىمىز 17 مەملەكەتتەن 400 سپورتشى قاتىسقان ازيا بىرىنشىلىگىندە 5 مارتە جەڭىسكە جەتتى.

ايتا كەتسەك، اسەل سەرىكباي - ق ر سپورت شەبەرى. سونىمەن قاتار ول شاحماتتان فيدە شەبەرى اتاعىن العان. شاحماتشى قازاقستاننىڭ 12 دۇركىن، ازيانىڭ 5 دۇركىن چەمپيونى اتانعان.