الەمدەگى ەڭ جىلدام 5 اۆتوكولىك

   استانا. قازاقپارات - جۇيرىك ات جۇيىتكىگەن سايىن كەڭ تىنىس الىپ، ءوز جىلدامدىعىنا ءسۇيسىنىپ، شابىسىنان شابىت الادى. دامىعان تەحنولوگيانىڭ زامانىندا تەكتى جانۋاردىڭ بۇل قاسيەتى جەڭىل اۆتوكولىككە ەنگىزىلگەن.

جاقىندا الەمنىڭ ەڭ جۇيرىك 5 تەمىرتۇلپارى انىقتالدى. بۇل جايىندا «مير 24» تەلەارناسى حابارلادى.

توپ بەستىكتە توپ جارعان - Hennessey Venom F5 اۆتوكولىگى. ونىڭ ماكسيمالدى جىلدامدىعى - 484 ك م/ساع. الايدا بۇل كورسەتكىش رەسمي مالىمەتتەرمەن قۋاتتالماپتى. تەك، ساراپشىلاردىڭ جەكە پايىمىمەن ەسەپتەلگەن. ماشينا قوزعالتقىشىندا 1600 اتتىڭ كۇشى بار. سونىمەن قاتار 7,4 ليترلىك تۋربوماتور ورناتىلعان.

ەكىنشى ورىن، ساعاتىنا 477 شاقىرىم جىلدامدىقپەن جۇيتكيتىن Koenigsegg Agera RS ماركالى كولىككە بۇيىردى. بۇل كولىكتىڭ جىلدامدىق كورسەتكىشى رەسمي تۇردە دالەلدەنگەن. ساراپشىلاردىڭ كەلتىرگەن دەرەكتەرى بويىنشا بىلتىرعى جىلدىڭ سوڭىندا Koenigsegg كومپانياسىنىڭ يەسى نيكلاس ليلا ءوزىنىڭ گيپەركارىمەن لاس- ۆەگاستاعى 17 شاقىرىمدىق جولمەن ەكى رەت اينالىپ وتكەن. ولاردىڭ بىرىندە ماكسيمالدى جىلدامدىق 458 ك م/ساعاتتى قۇراعان.

ۇزدىك ۇشتىككە Hennessey Venom GT تەمىرتۇلپارى كىردى. ول ساعاتىنا 434 شاقىرىم جىلدامدىقپەن قوزعالا الادى. كولىكتىڭ ماكسيمالدى جىلدامدىعى رەسمي تۇردە دالەلدەنگەن. ءبىراق ساراپشىلار اراسىندا بۇل كولىكتىڭ سەريامەن جاساپ شىعارىلۋىندا كۇمان بار. وعان سەبەپ، اتاۋلى كولىك ءبىر- بىرلەپ، قولمەن قۇراستىرىلادى دەگەن پىكىر.

 

ءتورتىنشى ورىنعا جايعاسقان جۇيرىك اۆتوكولىكتىڭ ماكسيمالدى جىلدامدىعى - 431 ك م/ساع. بۇل ءسىز ەسىمىن جاتقا بىلەتىن، كولىك نارىعىنداعى اسا تانىمال الەمدىك برەند - Bugatti Veyron SS. Bugatti- ءدىڭ بۇل SS ماركاسى ەڭ جىلدام اۆتوموبيل اتاعىن قايتارىپ الۋ ءۇشىن ارنايى جاسالعان. قوزعالتقىش قۋاتتىلىعى 1200 اتتىڭ كۇشىنە تەڭ.

 

رەيتينگتىڭ سوڭعى ورىندارىن Bugatti كولىگى قاتار- قاتار ەنشىلەگەن ەكەن. ماقتاۋلى تەمىرتۇلپاردىڭ Chiron نۇسقاسى توپ بەستىكتى تۇيىندەدى. ونىڭ ماكسيمالدى جىلدامدىعى - 420 ك م/ساع.

massaget.kz