ەلىمىزدەگى ءاربىر 5- ءسابي وڭتۇستىكتە دۇنيەگە كەلەدى

وڭتۇستىك وڭىرىندە دۇنيەگە كەلەدى. ق ر پرەزيدەنتىنىڭ جارلىعىمەن وڭتۇستىك قازاقستان وبلىسىنداعى 766 كوپ بالالى انا التىن مەن كۇمىستەن القا تاقتى. قۇرمەتكە بولەنگەن التىن قۇرساقتى انالاردىڭ باسىم كوپشىلىگى شىمكەنت قالاسى مەن ماقتارال، سارى اعاش جانە ورداباسى اۋداندارىندا تۇرادى.

 ماراپاتقا يە بولعانداردىڭ ىشىندە 167- ءسى «التىن القا»، 559-ى «كۇمىس القا» يەگەرى اتاندى. بۇگىندە كوپ بالالى انالار سانى بويىنشا رەسپۋبليكادا كوش باستاپ تۇرعان وڭىردە  98600-دەن اسا نازىكجاندى 6 بالادان كوپ پەرزەنتتى ومىرگە اكەلگەن. ونىڭ  3998- ءى «باتىر انالار» بولسا،  16361- ءى «التىن القا» بەلگىسىنىڭ يەگەرى. تاعى  42724 انا «كۇمىس القا» تاققان. بۇدان بولەك، وبلىستا  6906 انا 1- ءشى جانە 2- ءشى دارەجەلى «انا داڭقى» وردەنىمەن ماراپاتتالعان.

 ايتا كەتەيىك، ايماقتا انا مەن بالا ءولىمى ازايىپ، دەموگرافيالىق الەۋەت جىل سايىن ارتىپ كەلەدى. ماسەلەن، 2017 -جىلى انا ءولىمىنىڭ كورسەتكىشى 14,4 پايىزعا تومەندەسە، نارەستە ءولىمى 3,4 پايىزعا كەمىگەن. ال انا مەن بالا ءولىم- ءجىتىمىن تومەندەتۋ بويىنشا وبلىستا جۇيەلى تۇردە جۇمىستار اتقارىلىپ كەلەدى.

اۆتور: اينۇر اقبايەۆا