قىزىلورداداعى مۇراجايعا 5 مىڭجىلدىق تاريحتان سىر شەرتەتىن جادىگەرلەر قويىلدى

None
None
استانا. قازاقپارات -  قىزىلوردا وبلىستىق تاريحي- ولكەتانۋ مۋزەيىندە «قاسيەتتى قازاقستان جانە ارحەولوگيا» زالى اشىلدى.

مۇنداعى جادىگەرلەر 5 مىڭجىلدىق تاريحتان سىر شەرتەدى. سىر ايماعىنان جالپى ۇلتتىق قاسيەتتى نىساندار تىزىمىنە 12، ال وڭىرلىك دەڭگەيگە 35 تاريحي- مادەني ەسكەرتكىش ەنگىزىلگەن. مۇراجايداعى جاڭا ەكسپوزياتسيالار زالىنان ەجەلگى شىرىك رابات، سىعاناق، جانكەنت، جەنت قالاشىقتارىندا قولدانىلعان تۇرمىستىق جانە اشەكەي بۇيىمداردى كورۋگە بولادى. اسىرەسە ورتاعاسىرلىق شاھارلاردان تابىلعان 400-دەي دانا التىن، كۇمىس تەڭگەلەر مۋزەيدىڭ باستى قۇندىلىقتارى قاتارىندا. بۇل جادىگەرلەردى جەرگىلىكتى ارحەولوگتار 2005 - جىلدان بەرى جيناقتاعان.

اسحات سايلاۋ، وبلىستىق تاريحي- ولكەتانۋ مۋزەيىنىڭ ءبولىم مەڭگەرۋشىسى:

- «قازاقستاننىڭ كيەلى جەرلەرى گەوگرافياسى» جوباسىندا ەسكەرتكىشتەر 5 توپقا جىكتەلگەن. ءبىرىنشى - تابيعي مۇرالار، ەكىنشى - ارحەولوگيالىق كەشەندەر، ءۇشىنشى - ءدىني- عيبادات ورىندارى، ءتورتىنشى - جەكە تۇلعالارعا ارنالعان نىساندار جانە ساياسي وقيعالارعا بايلانىستى نىساندار. ەندى وسى 5 توپقا جىكتەلگەن نىساندار بويىنشا 4 سورەگە ورنالاستىردىق.

http://24.kz/kz

سوڭعى جاڭالىقتار