عاشىقتار تۋرالى 5 تۋىندى

None
None
 استانا. قازاقپارات - "ماحاببات - تاۋسىلمايتىن اڭگىمە". بىرەر اپتادان سوڭ كوكتەم كەلەدى. كوكتەم - تابيعاتتىڭ ءار بولشەگى قۇلپىراتىن جىل مەزگىلى.

سەزىمدەر ويانىپ، ادام بالاسى اينالاسىنا ەرەكشە مەيىرىممەن قاراي باستايدى. بۇگىن سىزدەرگە عاشىقتار تۋرالى 5 تۋىندىنى ۇسىنامىز. اراسىندا ءسىز وقىعان شىعارما بولسا، مىندەتتى تۇردە پىكىر نە بلوگ رەتىندە ءوز پىكىرىڭىزبەن ءبولىسىڭىز.

اتاۋى: عاشىقتار

 اۆتورى: ءىلياس ەسەنبەرلين

عاشىقتىق، ماحاببات دەگەن ۇعىمنان بۇرىن ادامنىڭ ءناپسىسىنىڭ قانشالىقتى ماڭىزدى ەكەنى ءسوز ەتىلەدى. ناپسىگە ەرىك بەرسەك، سىيعا العان تاعدىر مۇمكىندىگىنەن ايىرىلىپ قالاتىنىمىز باستى ماسەلە رەتىندە قاراستىرىلادى. ادام ءسۇيۋ ءۇشىن رۋحاني تۇرعىدان كۇشتى بولۋى ءتيىس. بىرەۋدى جاقسى كورۋ ول ءوزىڭدى ەكى ەسە سىيلاي بىلۋمەن تەڭ. ماحاببات حيكاياسىمەن بىرگە، تۇلعا بولىپ قالىپتاسۋعا كەرەك قاسيەتتەردىڭ بارىن ءسوز ەتەتىن شىعارمانى وقۋعا كەڭەس بەرەمىز.

 اتاۋى: ماحاببات، قىزىق مول جىلدار

 اۆتورى: ءازىلحان نۇرشايىقوۆ



ەربول مەن مەڭتاي اراسىنداعى ۇلى ماحابباتتىڭ كۇشىن سەزىنگىڭىز كەلسە، بۇل كىتاپتى مىندەتتى تۇردە وقىڭىز. ادامداردىڭ اراسىنداعى دوستىق، ستۋدەنتتىك شاقتىڭ قيىندىعى مەن سوعىستان كەيىنگى جاستار ومىرىندەگى ەرەكشەلىكتىڭ بارلىعىن ءسوز ەتەدى. كەي ادامداردىڭ وزگەرمەيتىنىن، بويىنداعى ايۋان قاسيەتتەر جوعالمايتىنىن، ولاردىڭ جاساعان قاساقانا ارەكەتى شىنايى ماحابباتقا ەشقاشان توسقاۋىل بولمايتىنىن تۇسىنەسىز.

 اتاۋى: ماستەر جانە مارگاريتا

 اۆتورى: ميحايل بۋلگاكوۆ



ءار جازۋشى ءۇشىن ماحاببات -  ءار ءتۇرلى. بىرەۋ ونى ومىرلىك جازا دەپ قابىلداسا، بىرەۋلەر ءۇشىن قايىرىمدىلىقپەن ولشەنەدى. ال، بۋلگاكوۆ ءۇشىن ماحابباتتان ەرىكتى تۇردە باس تارتۋ جان- دۇنيەنىڭ ولىمىمەن، ال مۇلدە سۇيە الماۋ ەشقاشان ءومىر سۇرمەگەنمەن تەڭ ەدى. ماستەر مەن مارگاريتانىڭ ماحاببات وتى ءبىر كورگەندە- اق تۇتانعان. بۇل سەزىم ولارعا تەك قۋانىش سىيلاپ قانا قويماي، جانىن تالاي ازاپقا سالعان.. .

اتاۋى: ءمولدىر ماحاببات

اۆتورى: ءسابيت مۇقانوۆ

ب

ۇل رومان دا سوعىس ۋاقىتىنا تۇسپا- تۇس كەلگەن ماحابباتتى باياندايدى. بۇركىت پەن باتەس اراسىنداعى ماحاببات تىم نازىك. بۇركىت ءوز سۇيىكتىسىنىڭ بەتىنە قاراۋعا ۇيالعان ءساتىن ايتساڭىزشى. بۇل -  سىيلاستىق، بۇل -  ىشكى ارپالىس. دەگەنمەن، سىناقسىز ماحاببات بولمايدى. بۇل ەكى عاشىقتى تاعدىر قالايشا سىنادى ەكەن؟

 اتاۋى: نامىس پەن تىسقارى تۇسىنىك (گوردوست ي پرەدۋبەجدەنيە)

 اۆتورى: دجەين وستين

 بىرنەشە عاسىردى باسىنان وتكەرسە دە، وزەكتىلىگىن جوعالتپاعان اعىلشىن كلاسسيكاسى. دارسي مەن ەليزابەت اراسىنداعى ماحاببات. ولاردىڭ ماحابباتى كۇيدىم- سۇيدىمنەن ەمەس، جەك كورىنىشتەن تۇراتىن سەكىلدى. قىزعا ءتان نامىسپەن ەليزابەت جىگىتكە دەگەن سەزىمىن جۇرەگىنە عانا ساقتاپ قويسا، جىگىت ءوزىنىڭ نامىسقوي بولمىسىنا بولا قىزعا دەگەن سەزىمىن مويىنداۋعا قاۋقارسىز. ءبىراق، ولار ءبارىبىر ماحاببات اتتى ۇلى كۇشتىڭ الدىندا باس يەدى. مىنە، سىزدەرگە ۇسىناتىن عاشىقتار تۋرالى 5 تۋىندىنىڭ رەتى وسىنداي. ءسىز قاي كىتاپتى ۇسىناسىز؟

Massaget.kz

سوڭعى جاڭالىقتار