جالعان ايعاق بەرگەن تەكەلى تۇرعىنى 5 جىلعا سوتتالدى

استانا. قازاقپارات - جالعان ايعاق بەرگەن تەكەلىلىك ايەل قىلمىستىق جاۋاپقا تارتىلىپ، 5 جىلعا باس بوستاندىعىنان ايىرۋ جازاسىنا كەسىلدى، دەپ حابارلايدى «قازاقپارات» ح ا ا الماتى وبلىستىق سوتىنىڭ باسپا ءسوز قىزمەتىنە سىلتەمە جاساپ.

سوتتا ايەلگە قاتىستى ق ر ق ك 420-بابىنىڭ 2-بولىگى بويىنشا قىلمىستىق ءىس قارالدى. ول كۋاگەر رەتىندە ق ر ق ك 287-بابىنىڭ 1-بولىگى، 296-بابىنىڭ 4-بولىگى، 297-بابىنىڭ 2-بولىگىنە سايكەس اۋىر قىلمىسقا قاتىستى قىلمىستىق ءىس بويىنشا كورىنەۋ جالعان ايعاق بەردى دەپ ايىپتالدى.

كۋاگەر سوت وتىرىسىندا ايىبىن مويىندادى. ول 5 جىلدىق جازا مەرزىمىن ورتاشا قاۋىپسىزدىك مەكەمەسىندە وتەيدى.

ق ر قىلمىستىق كودەكسىنىڭ 74-بابى، 1-بولىگىنە سايكەس، ونىڭ كىشكەنتاي بالاسى بولعاندىقتان، جازانى وتەۋگە كىرىسۋ مەرزىمى 2 جىلعا شەگەرىلدى.