الماتى جولدارى 5 جىلدان كەيىن قالاي وزگەرۋى مۇمكىن؟

 استانا. قازاقپارات - ءاربىر جۇرگىزۋشى ءۇشىن قالانىڭ جانە قالادان تىس جولداردىڭ جوندەۋدەن ءوتىپ، جاڭارىپ تۇرعانى جاقسى. دەگەنمەن، بۇل ءبىزدىڭ ەلىمىزدە ەندى قولعا الىنىپ كەلە جاتقان جاعداي.

ال الماتى قالاسىنىڭ جولدارى 5  جىلدان كەيىن قالاي وزگەرۋى مۇمكىن دەپ ويلايسىز؟


ءبىر باعىتتى جولدار، قوعامدىق كولىككە ارنالعان جولاقتار، جىلدامدىقتىڭ 40 ك م/س ءتۇسۋى جانە وسى سىندى ءتۇرلى وزگەرىستەر بولۋى مۇمكىن. بۇل اقپاراتتاردى كۇندەلىكتى جاڭالىقتاردان ەستىپ- ءبىلىپ جاتىرمىز. دەگەنمەن 2018 -جىلى باستالىپ، 2023 - جىلعا دەيىن ناقتى جوسپار بويىنشا قانداي جۇمىستار جاسالادى؟ ءبىر باعىتتاعى جولدار ءبىر باعىتتاعى جولدار الداعى جوسپاردا تۇرعان باستى مىندەتتەردىڭ ءبىرى. ماسەلەن 2023 -جىلعا قاراي سەيفۋللين كوشەسى رايىمبەكتەن باستاپ تيميريازيەۆ كوشەسىنە دەيىن ءبىر باعىتتا قوزعالۋى مۇمكىن. بۇعان ابىلايحان كوشەسىن دە قوسۋعا بولادى. جەلتوقسان مەن ناۋرىزباي كوشەلەرى ءبىر باعىتتى ءجۇرۋ جولىن وزگەرتەدى. ال تىلەنديەۆ كوشەسى قوس باعىتتا قاتىنايتىن كوشە بولادى.

 قوعامدىق كولىككە ارنالعان ارنايى ءجۇرۋ جولاعى قازىردىڭ وزىندە بۇل جولاقتار قالا ىشىندە بار. ماسەلەن اباي كوشەسىمەن جۇرسەڭىز، «ا» بەلگىسىمەن بەلگىلەنگەن جولاقتاردى كورەسىز. بولاشاقتا بۇلار ءاربىر كوشەنىڭ بويىندا بولۋى مۇمكىن. ماسەلەن جاندوسوۆ، تيميريازيەۆ، ساتپايەۆ كوشەلەرى وسى قاتارعا كىرەدى. كوشە بويىنداعى كولىك جايلار قالا جولدارى وڭدەۋدەن ءوتىپ، جاقسى قىرىنان تانىلا باستاعانىمەن كوشەلەردىڭ تار ەكەنى انىق. ءبىراق بولاشاقتا بۇل ماسەلە دە شەشىمىن تابادى. دوستىق كوشەسىنىڭ بويىنداعى كولىكتەردىڭ جاعدايى قيىندايدى. سەبەبى كوشە بويىنداعى كولىك تۇراقتارىن الىپ تاستاۋى عاجاپ ەمەس. ودان قالا بەردى تيميريازيەۆ، جاندوسوۆ، شالياپين، ساتپيەۆ، روزىباكيەۆ، جاروكوۆ جانە باسقا دا كوشەلەردىڭ بويىندا كولىكتىڭ تۇرۋىنا رۇقسات بەرىلمەيدى دەپ كۇتىلۋدە.

 الماتى -  جاياۋ جۇرگىنشىلەر قالاسى سوڭعى جىلدارى بايقاعانىمىزداي قالا ىشىندە جاياۋ جۇرگىنشىلەر مەن ۆەلوسيپەدكە دەگەن كوزقاراس باسىمدىلىققا يە. بولاشاقتا قالا كوشەلەرىندە جاياۋ جۇرگىنشىلەرگە ارنالعان ارنايى ءجۇرۋ جولدارى سالىنادى. قالاي؟ بۇل جولدار كەڭىنەن سالىنىپ، ءتورت جولاققا دەيىن كەڭەيتىلەدى. كولىكتەر جىلدامدىقتى 50 ك م/س دەيىن تۇسىرەدى جانە بارىنشا اقىرىن جۇرۋگە تۋرا كەلەدى. بۇدان بولەك قالا ىشىندەگى كولىكتەردىڭ ءجۇرۋ جىلدامدىعى 40 ك م/س دەيىن تومەندەيدى. كولىك اپاتىنىڭ الدىن الۋ ءۇشىن جاسالىپ جاتقان بۇل وزگەرىستەر بيىل ءوز جۇمىسىن باستايدى.

Massaget.kz