الماتى وبلىسىندا 5 بالاسىنا باعىماقى تولەمەگەن انا جاۋاپكەرشىلىككە تارتىلدى

تالدىقورعان مامانداندىرىلعان اۋدانارالىق اكىمشىلىك سوتىنىڭ قاۋلىسىمەن ازاماتشاعا 10 ايلىق ەسەپتىك كورسەتكىش كولەمىندە ايىپپۇل سالىندى.

ال 35 جاستاعى كەلىنشەك كۇيەۋىمەن 2016 -جىلى زاڭدى تۇردە اجىراسقان. الايدا بالالاردى وزىنە قالدىرۋدان باس تارتقان. سودان بەرى كامەلەتكە تولماعان 2 ۇل 3 قىزدى اكەسى اسىراپ كەلەدى. سوت شەشىمىمەن بىلتىر ازاماتشاعا اليمەنت تولەۋ مىندەتتەلگەن. ءبىراق ءبىر جىلدان استام ۋاقىت بويى ايەل ءبىر تيىن دا تولەمەگەن. قازىرگى تاڭدا كەلىنشەكتىڭ تۋعان بالالارىنىڭ الدىندا 1 ميلليون تەڭگەدەن استام بەرەشەگى بار. ءبىر جىل بويى ءىز-ءتۇسسىز جوعالعان ايەلگە قۇزىرلى ورگان ىزدەۋ جاريالاپ، قاراعاندى وبلىسىنان تاپتى.

كەلىنشەك سول ءوڭىردىڭ تۋماسى ەكەن. ول سوت الدىندا تۇراقتى جۇمىسىم بولماعاندىقتان، اليمەنتتى تولەي الماي ءجۇرمىن دەپ اقتالدى.