تۇركيادا 5 مىڭ جىل بۇرىن جاسالعان ويىنشىق اربا تابىلدى
بۇل تۋرالى ازەرتادج اقپاراتتىق اگەنتتىگى اۆتورامبلەر سايتىنا سىلتەمە جاساپ حابارلادى.
عالىمداردىڭ ايتۋىنشا، ويىنشىق قالا بيلەۋشىسىنە نەمەسە بەلدى شەنەۋنىكتەردىڭ ءبىرىنىڭ ۇلىنا تيەسىلى بولعان.
ارحەولوگتار سازدان جاسالعان ويىنشىقتى قولا داۋىرىنە جاتقىزىپ وتىر، ال جاسى بەس مىڭ جىل شاماسىندا. اربا اسا مەيىرىمدىلىكپەن جاسالعانىن اڭعارۋعا بولادى. ماسەلەن، ونىڭ ارقا تۇسىندا ويۋلار ويىلعان، ال دوڭعالاقتارى بىلىكپەن بىرىكتىرىلگەن.
تاريحشىلار مۇنداي ويىنشىق كولىك قۇرالىنىڭ تابىلۋى ەجەلگى زاماندى زەرتتەۋدە وراسان زور مانگە يە ەكەنىن ايتادى. بۇل ويىنشىق 5 مىڭ جىل بۇرىن دا بالالار قازىرگى بالدىرعانداردىڭ ەرمەگىنە وتە ۇقساس ويىنشىقتارمەن ويناعانىن دالەلدەيدى. عالىمدار ونىڭ توڭىرەگىندەگى زەرتتەۋ جۇمىستارىن باستاپ كەتتى. ارحەولوگيالىق ەكسپەديتسيا مۇشەلەرىنىڭ ايتۋىنشا، جۋىق ارادا ويىنشىق مۋزەيگە تاپسىرىلادى، ال كەشەندەگى قازبا جۇمىستار جالعاسۋدا.
