تايلاندتىڭ ەكس-پرەمەرى 5 جىلعا باس بوستاندىعىنان ايىرىلدى

وعان جەمقور دەگەن ايىپ تاعىلعان. بۇل تۋرالى ەلدەگى پحىا تحاي پارتياسى جاريا ەتتى.
چينناۆاتقا قاتىستى تەرگەۋ 2013-2014-جىلعى شارۋالاردان كۇرىشتى كەپىلمەن ساتىپ الۋ بويىنشا مەملەكەتتىك باعدارلامانى ىسكە اسىرۋعا جاۋاپسىز قاراعانى ءۇشىن باستالعان. ونىڭ قۇيتىرقى ارەكەتىنەن مەملەكەتكە شامامەن 15 ميللياردتاي شىعىن كەلدى. ازىرگە ەكس-پرەمەردىڭ قايدا جۇرگەنى تۋرالى ناقتى اقپارات جوق.
باسپا ءسوز بەتتەرىندە چيناۆاتتىڭ بىرىككەن اراب امىرلىگىندە ەكەندىگى جاريالانسا، كەيبىر دەرەكتەر بويىنشا ول ۇلى بريتانيا بيلىگىنەن ساياسي پانا سۇراماق.
ءتىپتى قورعاۋشىسى دا ونىڭ قايدا ەكەندىگىنەن بەيحابار.
نورراۆيت لارلەنگ، ەكس-پرەمەردىڭ قورعاۋشىسى:
- 25 نەن بەرى مەن ونىمەن حابارلاسپادىم، ونىڭ قايدا ەكەنىن بىلمەيمىن. زاڭگەرلەر توبى ءوز مىندەتتەرىن تولىقتاي اتقارىپ شىقتى. ءبىراق بۇل ۇكىمگە قاتىستى ايتارىم: ۆەرديكتتى قايتادان قاراپ شىققاننان كەيىن عانا اپەللياتسياعا بەرۋ-بەرمەۋىمىزدى ناقتى ايتامىز.
www.24.kz