ەركە ەسماحان 5 جاسار ۇلىنىڭ ءىنى-قارىنداس سۇراپ جۇرگەنىن ايتتى
ەركە ءوزىنىڭ ىشىندەگى ويىن كەزەكتى كليپى ارقىلى جەتكىزبەك. بەينەباياندا جۇرەگىنىڭ جارتىسىن ىزدەگەن ءانشى، ومىردە دە تۇرمىس قۇرۋعا ءازىر ەكەنىن ايتتى.
بۇل تۋرالى «ن ت ك» ارناسىنىڭ «ريەۆيۋ» باعدارلاماسىندا ايتىلدى.
«ەڭ ومىردەگى جامان نارسە، ەڭ قورقاتىن نارسە ول جالعىزدىق. سوندىقتان مەن ەشقاشان جالعىز بولعىم كەلمەيدى. نە دەگەنمەن كىشكەنتايىم بار، اقىل توقتاتقان قىزبىن، ءبىراز سىناقتاردان ءوتتىم. ەندى، بۇيىرسا بولاشاقتا ءوزىمنىڭ سۇيىكتىمدى تاپسام دەگەن ويمەن، وسىنداي ءان شىعارىپ تۇرمىن»، - دەيدى ەركە.
ەركە وسىدان بىرنەشە اي بۇرىن تايلاندتا دەمالىپ جۇرگەندە، ەل اراسىندا: «قالتالى ازاماتتىڭ عاشىعى» دەگەن قاۋەسەت تاراعان-دى.
«وليگارح بار ەكەن، ويبۋ ەركە دەگەن راحات دەپ. مەنىڭ ونداي وليگارحىم بولسا، بىرەۋ ماعان اقشانى بەرىپ جاتسا، ولاي جۇرمەس ەدىم، كۇندە ۇيقى كورمەي ءارلى-بەرلى»، - دەپ جالعادى ءسوزىن ءانشى.
ءانشىنىڭ سوزىنە سەنسەك، ءدال قازىر كوڭىل جاراستىرىپ جۇرگەن جىگىتى جوق! الايدا، ەركە قىزدىڭ بولاشاق عاشىعىنا ايتار ءوتىنىشى بار.
«ماحاببات بولسا، ەندى بۇرىن ايتۋىم مۇمكىن. ءبارىن تاستايمىن دا كەتەمىن، تاستاپ تا، كەتىپ تە كەلگەن كەزدەر بولعان. ءبىراق، قازىر ولاي ايتا المايمىن. ول ادام مەنى جاقسى كورسە، وسىلاي مەنىڭ جۇمىسىممەن، وسىلاي قالپىممەن جاقسى كورىپ مەنى قابىلداۋ كەرەك، ارينە مەن كوپ نارسەنى توقتاتار ەدىم»، - دەيدى ەركە.
ءيا، ونەردە ورلەۋ، تانىمالدىلىق پەن حالىقتىڭ قوشەمەتى كەرەك-اق! الايدا، انا جۇرەگى ۇلى ءمۇسىلىمنىڭ تىلەگىن ورىنداۋعا اسىق.
«مەنىڭ ۇلىم ءبارىن تۇسىنەدى، اقىلدى! قازىر 5 جاستا. ءبارىن بىلەدى. سوندىقتان دا ۇلىمنىڭ ايتاتىنى سول. «ماما، مەن ەندى جالعىز بولماۋىم كەرەك. ماعان قارىنداس كەرەك، ءىنىم كەرەك. وينايتىن ادام كەرەك» دەپ ايتادى. سوندىقتان دا، مەن ءوزىم ۇلكەن سەميادان شىققان اداممىن، بولاشاقتا انا بولعىم كەلەدى»، - دەپ تۇيىندەدى ءسوزىن ەركە.
