قىتاي ارناسى ديماشتى ءتۇسىنۋ ءۇشىن 5 قازاق بالاسىن جۇمىسقا العان

استانا. قازاقپارات - اتا- اناسى ديماشتىڭ شەتەلدە تەك قازاق تىلىندە سۇحبات بەرۋىنە قاتىستى پىكىر ءبىلدىردى.

بايقاۋ بارىسىندا Hunan TV ارناسى وتانداسىمىزدىڭ ويىن ءتۇسىنۋ ءۇشىن بەس قازاق بالاسىن جۇمىسقا العان ەكەن.

بۇل تۋرالى استانا ارناسىنىڭ «سىرلاسۋ» باعدارلاماسىندا ايتىلدى.

وسى كۇنگە دەيىن ديماش قۇدايبەرگەنوۆكە كوپتەگەن ەلدەن ۇسىنىستار كەلىپ تۇسكەن ەكەن. الايدا ءانشىنىڭ اكەسى ونىڭ بارلىعىن قابىلداي الماعاندارىن ايتىپ جاتىر. «امەريكاعا دا شاقىرىلعانى راس. ءبىراق ونىڭ بارلىعىن بىردەي قابىلداعان جوقپىز. مۇنىمەن قاتار، كورەي، مالايزيا ەلدەرىنەن كەلىپ تۇسكەن جاقسى ۇسىنىستار بار»، - دەيدى قانات ايتبايەۆ.

مۇنىمەن قاتار، قانات مىرزا ديماشتىڭ شەتەلدە قازاق تىلىندە سويلەۋىنە قاتىستى پىكىر ءبىلدىردى. ايتۋىنشا، ۇلىنا انا تىلىندە سويلەۋىنە بايلانىستى بەلگىلى تالاپ- تىلەكتەر قويمايدى ەكەن. ياعني بۇل - ديماشتىڭ ءوزىنىڭ قالاۋى.

«بىزدە ورىس ءتىلىن بىلمەيتىن قازاق جوق. ورىستارعا ساباق بەرەتىندەي مۇمكىندىگىمىز بار. ءبىراق، ءبىزدىڭ انا ءتىلىمىز - قازاق ءتىلى. وسكەن ورتامىزدا وزگە ۇلت وكىلدەرى كوپ بولدى. ءبىراق اتا-انامىز «مىندەتتى تۇردە قازاق تىلىندە سويلەڭدەر» دەگەن تالاپ قوياتىن. ول باسقا ادامداردى جەككورۋ دەگەن ءسوز ەمەس. تەك نەگىزىمىزدى ۇمىتپاۋىمىز كەرەك. اتا- انامىزبەن ءدال قازىر بىرگە تۇرامىز. بالالارىمىزدى تەك قازاق ادەبيەتتەرىن وقۋعا ۇندەپ وتىرامىز. مۇنىڭ بارلىعى تاربيەمەن سىڭىرىلەدى. ءيا، راسىمەن، قىتايداعى قانداستارىمىز قاتتى قۋاندى. قازاقشادان قىتايشاعا جانە كەرىسىنشە تىكەلەي ءتارجىمالانىپ تۇردى. بۇل جەردەگى ماقساتىمىز - انا ءتىلىمىزدى، بولمىسىمىزدى ناسيحاتتاۋ. اركىمنىڭ جۇرەگىندە وتانىنا دەگەن ءبىر سەزىم بولۋى كەرەك. حالقىمىزدىڭ ءانىن، ءداستۇرىن، ۇلتتىق كيىمىن تانىتۋ دەگەن ۇلكەن ماقساتتان تۋىنداعان نارسە»، - دەيدى قانات مىرزا.

قىتاي ارناسى ديماشتىڭ بىلدىرمەك ويىن ءتۇسىنۋ ماقساتىندا بەس قازاق بالاسىن جۇمىسقا العان. ولار سايىس بارىسىندا كەزەكتەرىمەن جۇمىس ىستەپ وتىرعان. «Hunan TV - ۇلكەن ارنا. جۇمىستارىنىڭ بارلىعى وتە كەرەمەت. ونى ءوز كوزىمىزبەن كوردىك. ديماش وسى بايقاۋعا قاتىسقان ساتتە 5 قازاقتىڭ بالاسىن ارنا جۇمىسقا العان. سەبەبى، ولار ديماشتىڭ ءتىلىن، ايتايىن دەپ تۇرعان ويىن تۇسىنگىلەرى كەلگەن. ياعني بارلىق بولمىسىن ءتۇسىنۋ ءۇشىن قازاق ءتىلدى ماماندار قاجەت بولعان. ۇيىمداستىرۋشىلارعا كوپ راحمەت»، - دەيدى سۆەتا حانىم.