اقتوبەدەگى اۋە قورعانىس كۇشتەرى 5 مىڭ مامان دايىنداپ شىعارعان
ينستيتۋتتىڭ ماتەريالدىق- تاحنيكالىق بازاسى جىل ساناپ نىعايىپ كەلەدى. اقتوبەلىكتەر بۇگىنگى مەرەكە كۇنى ينستيتۋتتىڭ اسكەري الەۋەتىمەن تانىسىپ، اسپان استى مۋزەيىندە تۇرعان ۇشاقتارعا وتىرۋعا مۇمكىندىك الدى. مۋزەيدە تۇرعان ۇشاقتار مەن تىكۇشاقتاردى تاماشالاۋعا كەلگەندەردىڭ قاتارى كوپ. اسكەري تەحنيكاعا بالالار كوپ قىزىعادى ەكەن. ينستيتۋت قىزمەتكەرلەرى ولارعا بارلىعىن تياناقتى ءتۇسىندىرىپ، تەحنيكامەن تانىستىرىپ ءجۇر.
اۋە قورعانىس كۇشتەرى ينستيتۋتىنىڭ جارتى عاسىرعا جۋىق تاريحى بار. وسى جىلدار ىشىندە ءتۇرلى وزگەرىستەرگە ۇشىرادى. ءبىر جىلدارى ازاماتتىق اۆياتسياعا كادر دايىندادى. قازىرگى ينستيتۋت تەك اسكەري اۆياتسياعا قاجەتتى ينجەنەرلەر مەن ۇشقىشتاردى وقىتادى. 6 جىل بۇرىن جاتتىعۋ تەحنيكالارى سۋ جاڭا 8 ۇشاقپەن تولىقتى. مىسالى، «مي-8» تىكۇشاعى. بۇل تەحنيكا كۇي تالعامايدى. ساعاتىنا 910 شاقىرىم قاشىقتىققا ۇشا الادى. 1100 كەلى قارۋ- جاراق نەمەسە جۇك تيەۋگە قاۋقارى بار. سونىمەن بىرگە، ۇرىس جاتتىعۋلارىن ورىنداۋعا ارنالعان «ل-39» ۇشاعى دا اكەلىندى. بۇعان دەيىن اقتوبە اۋە ينستيتۋتىنىڭ كۋرسانتتارى جاتتىعۋلاردىڭ العى شارتتارىن 2-اق تەحنيكامەن ۇيرەنىپ ءجۇردى. ال اسكەري- ۇرىس ادىستەرىن مەڭگەرۋ ءۇشىن، توپ بولىپ بالقاشقا باراتىن.
قازىر بولاشاق ۇشقىشتار ءۇشىن بار جاعداي جاسالدى. قازىر بۇل ىرگەلى وقۋ ورىنىندا 9 ماماندىق بويىنشا 600 جاس ءبىلىم الىپ ءجۇر. بۇگىن مۋزەيگە كەلگەن بالالاردىڭ قىزىعۋشىلىعىنا قاراپ، ءىزباسارلاردىڭ كوپ بولارىنا كۇمان جوق. ۇجىمدىق قاۋىپسىزدىك كەلىسىمشارتى ۇيىمى شەڭبەرىندە ينستيتۋتتا شەتەلدىك كۋرسانتتار دا ءبىلىم الادى. ارنايى باعدارلاما بويىنشا وقىتۋ 2 جىل بۇرىن باستالدى.
www.24.kz
