ىستانبۇلدا جارىلىس بولىپ، 5 ادام جاراقات الدى
استانا. قازاقپارات - 26- ءساۋىر كۇنى ىستانبۇلدا ميكرواۆتوبۋستا جارىلىس بولىپ، سالدارىنان ەڭ كەمى 5 ادام جارالاندى، دەپ حابارلادى ۋترو رۋ «حۋرريەت» گازەتىنە سىلتەمە جاساپ.
دەرەككوزدىڭ ايتۋىنشا، ميكرواۆتوبۋستا ستۋدەنتتەر بولعان. قازىر جارىلىس سەبەپتەرى انىقتالىپ جاتىر، پوليتسيا وزدىگىنەن ىسكە قوسىلاتىن جارىلعىش زات بولۋى مۇمكىن دەگەن نۇسقانى دا جوققا شىعارمايدى.
