جۋرناليستەردىڭ 5 ءتۇرى بار: ساق بولىڭىز

ءبىراق ونىڭ تاريحىنان بۇرىن سول تاريحتى قالىپتاستىراتىن تىلشىلەرى بار. ال ول تىلشىلەردىڭ دە ءوزارا ىشتەي مىقتىلارى مەن السىزدەرى، قاسقىرلارى مەن مومىندارى بار. سوندىقتان ساقتانىڭىز، ولاردىڭ قارۋى - ءسوز جانە ءتىل.

 باستاۋشى رەپورتەر

بۇل جۇمىس بارىسىنداعى وتپەلى كەزەڭ ەمەس، ءومىردىڭ ءبىر بولشەگى. ءيا، بۇل وسى سالانىڭ ماماندارى ءۇشىن ءومىردىڭ ءبىر ماڭىزدى بولشەگى. جالپى جۋرناليستەر قاۋىمىنىڭ كوبى سۇقباتتاسۋعا قۇمار. بۇل قۇمارلىق وسى باعى ءۇشىن زاڭدىلىق. ەڭ العاش باستاۋشى رەپورتەرلەر ءسىزدىڭ سوزىڭىزگە سەنىپ، جان دۇنيەڭىزگە ۇڭىلە وتىرىپ، ءسىزدىڭ ايتقان سوزدەرىڭىزدىڭ شىندىعىنان ءسال عانا دايەك الىپ ۇلكەن ماقالا جازادى. ءتىپتى سىزبەن قانشا جىلدارى بويى دوس بولىپ كەلە جاتقان ادام سەكىلدى سويلەسىپ، نە ايتتىڭىز، نە كوردىڭىز ءبارىن جازادى.

باسپاءسوز باندىلارى

 بۇل ءوزى ءىسىنىڭ بىلىكتى ماماندارى. ءتىپتى وزدەرىنىڭ جۇمىسىن ومىرىنە اينالدىرىپ العان. ولارمەن قالجىڭداسۋدىڭ، ءتىپتى جالعىز قالىپ سويلەسۋدىڭ قاجەتى جوق. ولارمەن سويلەسكەن كەزدە ابايلاپ سويلەسىڭىز. سۇراقتى الدىن- الا سۇراتىپ الىڭىز. ەڭ دۇرىسى سۇراقتى الدىرىپ سۇقباتتى جازباشا تۇردە ويلانىپ، مىڭ تولعانىپ جازىڭىز. ولاردىڭ ماقالاسى ءسىزدى گۇل نەمەسە كۇل قىلىپ جىبەرۋى مۇمكىن. ەڭ قىزىعى باسپا ءسوز باندىلارى قالاسا شۋدى دا جاسايدى، قالاماسا ءوزى كوتەرگەن شۋعا سۋدى دا دەر كەزىندە سەۋىپ ۇلگەرەدى.

 اقىماق جۋرناليست

«سۇراق ءجونسىز بولۋى مۇمكىن، ءبىراق قازىرگى وقىرماننىڭ قالاۋى وسى عوي» . بۇل سۇراقتى دۇرىستاپ قاراساڭىز، قازىرگى وقىرمان ونداي ەمەس، سىزگە كەلىپ سۇقبات الىپ وتىرعان ءجۋرناليستىڭ ءوزى سونداي. سەبەبى ول سىزگە قانداي ماسەلەمەن كەلگەنىن دە بىلمەيدى. ەگەر ءسىز وسىنداي اقىماق تىلشىگە تاپ بولساڭىز، وعان سىرىڭىزدى اقتارىپ، جۇمىس بابىڭىزدى ايتىپ شاشىلماڭىز. ءتىپتى ءسىزدىڭ ايتقان ءاربىر ءسوزىڭىزدى ونىڭ ءتۇسىنىپ وتىرعانىنا الدىمەن كوز جەتكىزىڭىز. سەبەبى ولار ورتامىزدا بار. ءوز جۇمىسىنا سەلقوس قارايتىندار، ءسىزدىڭ ايتقان دۇنيەڭىزدى دۇرىس جەتكىزە الماي، باق بەتىندە جاريالاپ جىبەرسە تىلشىدەن بۇرىن ءسىز جاپا شەگەسىز.

 لاۋازىمدى تۇلعا

جۋرناليستەردىڭ اراسىندا دا ينتەلەكتتەرى بار. ولار ءبىراق باستاۋشى رەپورتەر سەكىلدى جانىن بەرىپ جۇمىس جاسامايدى. ولار تەك بەرىلگەن ماقالانى جازىپ، سانىن تولتىرىپ كەتسە بولدى. ول جۇمىس ۋاقىتىنىڭ 9 دا باستالىپ 6 دا بىتەتىنىن جاتتاپ العان، تەك قانا ەسەپپەن جۇرەتىن لاۋازىمدى جۋرناليست. ولارمەن كوپ سويلەسۋدىڭ دە قاجەتى شامالى. تەك ساندار مەن تەكستەردى بەرسەڭىز بولدى. ءسىز قالاعانداي جۇمىس گازەت بەتتەرىندە ەرتەڭ- اق جارىق كورەتىن بولادى. ەڭ قىزىعى ولارعا ءسىزدىڭ نە ايتقانىڭىز، نە جازدىرتقانىڭىز قىزىق ەمەس. باستىسى كولەم ورىندالسا بولدى.

بلوگەرلەر

بۇل جۋرناليستەر قاۋىمىنىڭ ىشىنەن شىققان، كەيدە ولاردىڭ وزدەرىنەن اسىپ تۇسەتىن، تەك بەلگىلى ءبىر سالاعا تاۋەلدى ەمەس، قاي جەردە بولماسىن اڭدىپ جۇرەتىن، جازىپ جۇرەتىن، تىڭداپ، ءتيسىپ جۇرەتىن ءبىر ءتۇرى. بلوگەرلەردىڭ ەڭ جامانى ولار سىزدەن ەستىگەن ەكى- اق جول سوزدەن اقىرزامان تۋدىرىپ، ءوزىنىڭ ىشكى ويىن ارالاستىرىپ، حالىقتى ۇگىتكە شاقىرا وتىرىپ ءسىزدىڭ ايتپاعان دۇنيەڭىزدى ايتقىزىپ جىبەرۋى دە بەك مۇمكىن. جوعارىدا اتالعان جۋرنالسيتەردىڭ بەس تۇرىنەن ساق جۇرگەنىڭىز ابزال. ارينە ولار « ءتورتىنشى بيلىك» يەلەرى رەتىندە قوعامدا ماڭىزدى ءرول وينايدى. ءبىراق ساقتىق جاساۋ دەگەن ءسوزدىڭ ەكىنشى جاعىنان قاراۋعا دا بولادى. ياعني جاقسى جاعىنان. سەبەبى بىلىكتى ءتىلشىنىڭ ءتىلى دە، ءىسى دە تياناقتى ءارى قابىلەتتى بولسا، جاقسى جارناما، جاقسى ماقالا، جاقسى ابىروي اكەلەدى.

Massaget.kz