سامارقان: ەجەلگى قالاعا بارىپ كورۋدىڭ 5 سەبەبى

استانا. قازاقپارات - كوپتەگەن ادامدار ەۋروپاعا بارىپ، ورتاعاسىرلىق كونە قۇرىلىس ۇلگىلەرى مەن قىتايداعى تاريحي ەسكەرتكىشتەردى كورۋدى ارماندايدى. الايدا، كورشى ەلدە دە مۇنداي كەرەمەت جەرلەردىڭ بار ەكەنىن كوپشىلىك بىلە بەرمەيدى.

وزبەكستاندا تۋىپ وسكەن ارىپتەسىمىز روزيەۆ ءتوليبتىڭ كومەگىمەن سامارقانداعى تاماشا اسەر قالدىراتىن بەس ورىن جايلى ايتامىز.

1. رەگيستان

XV-XVII عاسىرلاردا ءۇش الىپ عيمارات - ۇلىقبەك مەدرەسەسى، شەر- دور (ارىستان) جانە ءتىللا- قاري (التىنمەن اپتالعان) مەدرەسەلەرى ورنالاسقان قالا ورتالىعىنداعى الاڭ. بۇل مەدرەسەلەر يۋنەسكو- نىڭ بۇكىلالەمدىك مۇرا تىزىمىنە ەنگىزىلگەن. كۇن كوزىنە جىلتىرايتىن ورنەكتەردى، ءساندى اشەكەيلەنىپ، تاماشا زەرلەنگەن كەرەمەتتى بارىپ، ءوز كوزىڭمەن كورۋ كەرەك.



2. ءبيبى- حانىم

 ءبيبى- حانىم مەشىتى 1404 -جىلى تەمىردىڭ بۇيرىعىمەن سالىنعان. ناقىشتالعان مارمارمەن جانە مەشىتتىڭ ورنەكتەرىمەن بەزەندىرىلگەن قىش قابىرعالار ۇمىتىلماس اسەر سىيلايدى.

3. ۇلىقبەك وبسەرۆاتورياسى

   ۇلىقبەك وبسەرۆاتورياسى -  ورتا عاسىرلاردا سامارقان انىق كورىنەتىن كۋحاك توبەسىندە سالىنعان اسا ماڭىزدى وبسەرۆاتوريا. قۇرىلىستىڭ جارتىسى جەر استىندا ورنالاسقان. جەر استىنا ءتۇسىپ كورگەن ادامدار ول جەردىڭ قورقىنىشتى ءارى قىزىقتى ەكەنىن ايتادى. بۇل جەر عىلىم مەن استرونوميانى سۇيەتىندەرگە ەرەكشە ۇنايدى.

4. گۋر- ەمير

  جاۋلاۋشى اقساق تەمىر مەن ونىڭ وتباسىنىڭ كەسەنەسى -  ءبىر كۇمبەزدى ساعانالى عيمارات. بۇل كەسەنە ورنەكتەرمەن، مارمارمەن بەزەندىرىلىپ، التىنمەن جانە كوك بوياۋمەن كەسكىندەلگەن. جەرتولەدە ورنالاسقان ساعانانىڭ توبەسى جوعارعى قاباتقا قاراعاندا الاسا، ەشقانداي ورنەك سالىنباعان. مۇندا تەمىر مەن ونىڭ وتباسى مۇشەلەرى جەرلەنگەن.

5. «حۋدجۋم» جىبەك كىلەمدەر فابريكاسى

 قولمەن جاسالعان بۇيىمداردىڭ نەلىكتەن قىمبات تۇراتىنىن بىلگىڭىز كەلسە، «حۋدجۋم» جىبەك كىلەمدەر فابريكاسىنا كەلىڭىز. بۇل جەردە كىلەمدەردى قولمەن تىگەتىن 400 ايەل جۇمىس ىستەيدى. فابريكادا ءوندىرىس پروتسەسىن باستان- اياق تاماشالاپ، ءتىپتى دايىن بۇيىمداردى ساتىپ الۋىڭىزعا بولادى.

http://www.weproject.k