باس تارتۋعا تۇرارلىق 5 ادەت

استانا. قازاقپارات - تاڭىڭىز قالاي باستالسا، كۇنىڭىزدىڭ ءدال سولاي وتەتىنىن جاقسى بىلەتىن شىعارسىز. اسۇيدەن كوفە ىزدەۋمەن باستالعان تاڭنىڭ جاقسى بولماسى انىق.

مۇندايدىڭ كۇن سايىن قايتالانا بەرەتىنىن بايقاساڭىز، ادەتتەرىڭىزدى وزگەرتىپ كورگەن ءجون شىعار؟

1. وياتقىشتىڭ داۋسىن ەستىسەك تە، جىلى كورپەدەن ايىرىلعىمىز كەلمەيدى. مۇندايدا وياتقىشتىڭ ۋاقىتىن 10 مينۋتقا وزگەرتىپ، ۇيقىنى جالعاستىرامىز. دارىگەرلەر مۇنىڭ دەنساۋلىققا كەرى اسەرىن تيگىزەتىنىن ايتىپ جاتىر. بار ماسەلە ادامنىڭ 10 مينۋت ىشىندە ۇيقىسىن قاندىرا المايتىندىعىندا بولىپ وتىر.

پسيحولوگ ماماندار تاڭەرتەڭ مىسىق سەكىلدى قولىمىز بەن اياعىمىزدى سوزىپ، كىشىگىرىم جاتتىعۋ جاساۋعا كەڭەس بەرىپ جاتىر.

2. تاڭەرتەڭ تەلەفونىڭىزدىڭ تۋرا قاسىڭىزدا جاتاتىنىنا ەش كۇمانىم جوق. مۇنىمەن قاتار، توسەكتە جاتىپ الىپ پوشتا تەكسەرەتىن ادەتىڭىز دە بار شىعار. بۇل جاقسى يدەيا ەمەس. «حاتتار مەن دەدلايندار - بىتپەيتىن پروبلەمالار. ولار كوڭىل- كۇيىڭىزدى قۇرتىپ، بوس ۋاقىتىڭىزدىڭ بارلىعىن شىعىندايدى. شىن مانىندە، پوشتانى تەك جۇمىستا وتىرىپ تەكسەرگەن دۇرىس» ، - دەيدى دجۋلي مورگەنشتەرن.

3. توسەكتى جيناۋدىڭ نە كەرەگى بار؟ ءبارىبىر كەشكە كەلىپ ۇيىقتايسىز ەمەس پە؟ مۇنى دۇرىس دەپ ويلاساڭىز، قاتتى قاتەلەسەسىز. بىرىنشىدەن، ءۇيدىڭ جينالىپ تۇرعانى دۇرىس. ەكىنشىدەن، توسەكتى جيناۋ ارقىلى ءبىز ءوزىمىزدى باستاعان ءىستى اياقتاۋعا جاتتىقتىرامىز.

4. كوفەگە تاۋەلدىلىگىڭىز تۋرالى تەرەڭ ويلانعانىڭىز ءجون. ساعات 8-9 اراسىندا اعزامىز كورتيزول گورمونىن بولەدى. ول ادەتتە ءبىزدى ۋاقتىلى ۇيىقتاۋىمىزدى قامتاماسىز ەتەدى. كوفەين گورمونداردىڭ دۇرىس ءبولىنۋ ءۇردىسىن تەجەپ، وزىنە اعزانى تاۋەلدى ەتىپ قويادى. دۇرىسى - كوفەنى ساعات 10-12 ارالىعىندا ءىشۋ.

تاڭەرتەڭ ۇيقىمىز بىردەن اشىلسىن دەسەك، بولمەنىڭ بارىنشا جارىق بولۋىن قامتاماسىز ەتىڭىز.

5. سۋ ىشكەن دۇرىس پا؟ جاتتىعۋ جاساعان دۇرىس پا؟ بالكىم بۇلاردى مۋزىكامەن الماستىرارمىز؟ ال دۋشقا قالاي قارايسىز؟ پسيحولوگ ماماندار، كۇندەلىكتى تاڭەرتەڭ ليمون قوسىلعان سۋ ءىشىپ، بىردەن ۆانناعا بارۋعا كەڭەس بەرىپ جاتىر. كوپ ۇزاماي ونىڭ ادەتكە اينالاتىنى ءسوزسىز.

Stan.kz