09:49, 24 - اقپان 2017 | GMT +5
ايعا تۋريستىك ساپارلار 5 جىلدان كەيىن باستالادى - فوتو
استانا. قازاقپارات - 2021-2022 -جىلداردان باستاپ عارىشقا ساپار شەگۋگە نيەت ءبىلدىرۋشى تۋريستەر «سويۋز» عارىش كەمەسىمەن ايدى اينالىپ شىعۋعا قول جەتكىزەتىن بولادى.
بۇل تۋرالى «ەنەرگيا» راكەتالىق- عارىش كورپوراتسياسىنىڭ باسشىسى ۆلاديمير سولنتسيەۆ ريا نوۆوستي باسىلىمىنا بەرگەن سۇحباتىندا مالىمدەدى.
«اتالعان جىلدارى «ەنەرگيا» رعك حالىقارالىق دەڭگەيدە العاش رەت عارىشعا تۋريستىك ساپاردى ۇيىمداستىرۋدى جوسپارلاپ وتىر. تۋريستەر ايدى اينالىپ ۇشۋ قۇرمەتىنە يە بولماق» ، - دەيدى سولنتسيەۆ.
عارىشقا ساياحات جاساۋ ءۇشىن قويىلاتىن تالاپ - تۋريستەرمەن كەلىسىم- شارت جاسالعان سوڭ، ۇشۋعا دەيىن كەمىندە 5 جىل ءوتۋى ءتيىس.
قازىرگى ۋاقىتتا كورپوراتسيا تۋريستەردىڭ قاۋىپسىزدىگىن قامتاماسىز ەتۋ ماقساتىندا عارىش كەمەلەرىن جاڭعىرتۋ جۇمىستارىن جۇرگىزۋدە.
