ديماشتىڭ بايقاۋىنىڭ 5-كەزەڭىندە ايتقان ءانىنىڭ ۆيدەوسى شىقتى

استانا. قازاقپارات - قازاقستاندىق ءانشى ديماش قۇدايبەرگەن قاتىسىپ جاتقان «Singer 2017»  ءان بايقاۋىنىڭ بەسىنشى كەزەڭى ەفيردەن كورسەتىلدى، دەپ حابارلايدى قازاقپارات.

ديماش بەسىنشى كەزەڭدە ءبىرىنشى بولىپ ونەر كورسەتتى. بۇعان دەيىن حابارلاعانىمىزداي، جەرلەسىمىز امەريكالىق ءانشى پيتەر دجين ەرناندەستىڭ (برۋنو مارس) رەپەرتۋارىنان «Uptown Funk» ءانىن ورىندادى.

جوبا تالاپتارىنا سايكەس، جارىس جولىنان شىعىپ قالعان قاتىسۋشىلاردىڭ ورنىنا لينچجي سيۋان جانە ا ق ش- تا تۋىپ وسكەن ۇلتى قىتاي ءانشى Justin Lo قوسىلدى.

قورىتىندىسىندا شىنجاڭ ۇيعىرلارىنىڭ اۋەنىمەن ءان شىرقاعان تان جيڭ بەسىنشى كەزەڭنىڭ جەڭىمپازى اتانسا، جوباعا ەندى عانا قوسىلعان قوس ءانشى تەڭ ۇپاي جيناپ، ءتورتىنشى ورىننان كورىندى. ال جەرلەسىمىز ديماش بۇل ەكى انشىدەن كەيىنگى - التىنشى ورىندى يەلەندى. بەسىنشى ورىن بوس قالدى. جارىس جولىنان ءۇشىنشى جانە ءتورتىنشى كەزەڭدەردە ونەر كورسەتكەن چاۋ لەي شىعىپ قالدى.

 ديماش بايقاۋدىڭ التىنشى كەزەڭىنە جولداما الدى. بۇعان دەيىن حابارلاعانىمىزداي، اتالمىش كەزەڭنىڭ ءتۇسىرىلىمى ءوتىپ قويدى، ەفيرگە 25 - اقپاندا شىعادى. وتانداسىمىز الەمگە تانىمال ءانشى لارا فابياننىڭ رەپەرتۋارىنان «Adagio»  ءانىن ورىندادى. قىتايداعى Wechat الەۋمەتتىك جەلىسىندە ديماشتىڭ بۇل كەزەڭدە 1- ورىندى يەلەنگەندىگى جازىلدى.

اۆتور: مۇحتار قاليموللا ۇلى