جاڭاوزەندە 5 بالانىڭ اناسى ولاردى تاربيەلۋدەن باس تارتتى

اقتاۋ. قازاقپارات - ماڭعىستاۋ وبلىستىق كامەلەتتىك جاسقا تولماعاندار ءىسى بويىنشا مامانداندىرىلعان اۋدانارالىق سوتىندا بۇرىنعى ەرلى- زايىپتىلاردىڭ بالالارى كىممەن قالاتىنى مەدياتيۆتىك كەلىسىم بويىنشا جاسالدى.
None
None

5 بالانى اكەسى تاربيەلەيدى - اناسى بيزنەسپەن اينالىسىپ، بالالارىن وسىرۋگە بوسامايتىندىقتان كەلىسىم بەرگەن. بۇل تۋرالى «قازاقپارات» ح ا ا ءتىلشىسى حابارلايدى.

«تالاپكەر ءوزىنىڭ وتىنىشىندە كامەلەتكە تولماعان بەس بالانىڭ مەكەنجايىن وزىمەن بىرگە انىقتاۋدى سۇراعان. سەبەبى، ولاردىڭ اناسى بالا تاربيەسىمەن اينالىسپايدى. ايەل ساۋدا- ساتتىقپەن اينالىسىپ، كوبىنەسە تاۋار الىپ كەلۋگە كەتەدى، بالالارى قاراۋسىز قالعان. اكەسىنىڭ تابىسى جاقسى، تەك بالالارىنىڭ بولاشاعىن ويلايدى. سوت وتىرىسى بارىسىندا تاراپتار مەدياتسيا جانە ءىس جۇرگىزۋدى قىسقارتۋ بارىسىندا داۋدى (شيەلەنىس) رەتتەۋ تۋرالى كەلىسىمدى بەكىتۋ تۋرالى ءوتىنىش ءبىلدىردى. ەكىجاقتى شەشىممەن بالالاردىڭ مەكەنجايى اكەسىمەن بەلگىلەندى. ول اليمەنت سۇراماعان، دەمەك اناسى تولەمەيتىن بولادى. ولاردىڭ ەكەۋى دە جاڭاوزەن قالاسىندا تۇرادى»، - دەپ ايتتى ماڭعىستاۋ وبلىستىق سوتى باسپا ءسوز قىزمەتىنىڭ وكىلى گاۋحار نۇرحانوۆا.

اكەسى، ءوز كەزەگىندە، اناسىنىڭ بالالارىمەن قارىم- قاتىناس جاساۋىنا قارسىلىق تانىتپادى. ۇكىم زاڭدى كۇشىنە ەنگەن جوق.

سوڭعى جاڭالىقتار