09:41, 19 - جەلتوقسان 2016 | GMT +5
قىتايدا 5 ميلليون دوللارعا كوزگە كورىنبەيتىن كوپىر سالىنادى
استانا. قازاقپارات - قىتايدىڭ وڭتۇستىك- شىعىسىنداعى حۋنان پروۆينتسياسىندا ورنالاسقان ۇلتتىق پاركتە كوزگە مۇلدەم دەرلىك كورىنبەيتىن كوپىر سالۋ جوسپارلانۋدا.
بۇل تۋرالى The Daily Mail اگەنتتىگىنە سىلتەمە جاساپ ر ب ك حابارلادى. ونىڭ كونسترۋكتسياسى توت باسپايتىن اينالى تەمىردەن جانە شىنىدان تۇرعىزىلادى. ساۋلەتشىلەردىڭ يدەياسىنا سايكەس، كوپىر ەكى دەڭگەيدەن تۇراتىن بولادى: ونىڭ ۇستىڭگىسىندە اياق استىنداعى توسەنىشتەر كوزگە كورىنەتىن بولسا، استىڭعى دەڭگەيدە ولار مۇلدەم كورىنبەيدى. كوپىردىڭ قۇرىلىسىنا 5 ميلليون دوللارعا جۋىق قارجى جۇمسالماق. تۋريستەر سونداي- اق تاۋلاردا ورنالاسقان ءۇش پاۆيلوننىڭ بىرىندە تۇنەپ شىعا الادى. ولاردان اينالانى 360 گرادۋستا تاماشالاۋ مۇمكىندىگى بار. كوپىردىڭ جانىنا ءدامحانا دا سالۋ كوزدەلگەن.
