استانالىق نەيروحيرۋرگتەر اقشولاقوۆتىڭ جەتەكشىلىگىمەن 5 مىڭ وتا جاسادى
بۇل تۋرالى بۇگىن اقوردادا ەلباسى نۇرسۇلتان نازاربايەۆتىڭ قولىنان «قازاقستاننىڭ ەڭبەك ەرى» اتاعىن العان «ۇلتتىق نەيروحيرۋرگيا ورتالىعى» ا ق- نىڭ باسقارما ءتوراعاسى سەرىك اقشولاقوۆ ايتتى، دەپ حابارلايدى قازاقپارات.
«عاسىرلار بويى ارمان بولعان جانە دە جارقىن بولاشاعىمىز ءۇشىن سىزگە راحمەت ايتۋعا رۇقسات ەتىڭىز. ءسىزدىڭ الەۋمەتتىك ساياساتىڭىز دەنساۋلىق سالاسىنىڭ وسۋىنە زور اسەر ەتتى. سونىڭ ءبىر جارقىن كورىنىسى - ۇلتتىق نەيروحيرۋرگيا ورتالىعى. وسى 8 جىل ىشىندە ەلىمىزدە ورتالىق ازيادا قولدانىلماعان 60 تان استام جاڭا تەحنولوگيانى تاجىريبەگە ەنگىزىپ، 5 مىڭداي وپەراتسيا جاسادىق. بۇگىندە تولىعىمەن ەڭ جوعارى ساپالى كومەك كورسەتە الامىز. كەلەشەكتە وسى ءىستى جالعاستىرۋعا ءبىز دايىنبىز»، - دەدى ول سالتاناتتى شارا بارىسىندا.
ءدال وسى اتاققا يە بولعان «قاراسۋ» س و ك» ج ش س باس ديرەكتورى المات تۇرسىنوۆ ءوز سوزىندە ەلباسىنىڭ جۇرگىزىپ وتىرعان ساياساتىنىڭ ارقاسىندا ەلىمىز بۇكىل الەمگە تانىلعانىن باسا ايتتى.
«بۇگىن مەن ءۇشىن وتە قۋانىشتى كۇن. سىزگە مەنىڭ ەڭبەگىمدى باعالاپ، جوعارى مەملەكەتتىك ناگرادانى تاپسىرعانىڭىز ءۇشىن العىسىمدى بىلدىرەمىن. ءسىز جۇكتەگەن جوسپارلاردى بار كۇشىمىزدى سالىپ جاسايتىن بولامىز»، - دەدى تۇرسىنوۆ.
اۆتور: مارلان جيەمباي
