جىگىتكە كەرى اسەر بەرەتىن 5 نارسە

ءسىز ءوز اتىڭىزعا لايىق بولساڭىز قىز دا ءسىزدىڭ قاسىڭىزدان تابىلادى.قازاقتا «ەل ماقتاعان جىگىتتى قىز جاقتاعان» دەگەن ءسوز بەكەر ايتىلماعان.

قىزداردىڭ ەسكەرمەي كەتەتىن نارسەلەرى بار. اتالعان ءىس- ارەكەتتەر سابىرلى ءارى سالماقتى جىگىتتى وزگەرتىپ جىبەرۋى مۇمكىن. سوندىقتان ءبىز ۇسىنعان بەس نارسەنى ىستەۋدەن، ايتۋدان اۋلاق بولىڭىز.

قارجىلاي كومەك كورسەتۋ

وتباسىندا نەمەسە جالپى ومىردە كۇيەۋىڭىز نە جىگىتىڭىز سىزگە قارجى جاعىنان قىسىلعانىن ايتسا، ءسىز تەك تىڭداۋشى قۇلاق بولىپ قالىڭىز. وعان كومەكتەسۋگە تالپىنىپ، ەكىنشى جۇمىس ىزدەپ سابىلماڭىز. ويتكەنى بۇل جىگىتتىڭ پسيحولوگياسىنا كەرى اسەر ەتەدى جانە كۇيزەلىسكە تۇسىرەدى. جىگىتتىڭ ماسەلەسى دە قىزدىڭ ماسەلەسى دە جىگىتتىڭ وزىنىكى بولىپ قالۋى كەرەك. قارجى تابۋ، وتباسىن اسىراۋ ونىڭ ەڭ ءبىرىنشى مىندەتى بولعاندىقتان، مىندەتىن سەزىنۋىن قاداعالاڭىز.

قىمبات سىيلىق بەرۋ

جىگىتكە قىمبات سىي جاساۋدى قاجەتى جوق. ونىڭ ەڭ قىمبات سىيلىعى ءسىز بولۋىڭىز كەرەك. وعان كۇن سايىن جىلى قاباق تانىتىپ، اسىن دايىنداپ، قاسىندا بولساڭىز، وسىنىڭ ءوز جەتكىلىكتى. قىمبات سىي جاساپ، كوپ شاشىلىپ، جىگىتتى ءبۇلدىرىپ الماڭىز. ومىردە ءبارى دە مۇمكىن.

ونىڭ باسىنا تۇسكەن ماسەلەسىن تالقىلاپ، اياۋشىلىق تانىتۋ

كەي جىگىتتەر باسىنا تۇسكەن قيىندىقتى سىزبەن ءبولىسۋى مۇمكىن. بۇل قالىپتى جاعداي. وعان ءمان بەرمەڭىز دەپ ايتا المايمىز. تىڭداڭىز، ءتۇسىنىڭىز، ءبىراق اياۋشىلىق تانىتىپ، ماسەلەنىنىڭ شەشىمىن تابۋعا تىرىسپاڭىز. ءتىپتى جۇباتۋدى دا قاجەتى جوق. جىگىت ءوزىن ءالسىز سەزىنۋى مۇمكىن. ەڭ دۇرىسى «سىزدىڭشە قالاي ىستەگەن دۇرىس، شەشىمى وسى بولار ما ەكەن» دەگەن سەكىلدى سۇراقتارمەن عانا جاۋاپ قايتارىڭىز. ياعني، ءوز ماسەلەسىن ءوزى شەشۋ ءۇشىن تەك اسەر ەتىڭىز.

اقىل ايتىپ پىكىر ءبىلدىرۋ

مۇنى ۇمىتىڭىز! ءتىپتى ەر ادام سىزدەن قالاي ىستەۋ كەرەكتىگىن سۇراپ تۇرسا دا، جاۋاپتان باسقاشا جالتارىپ كەتىڭىز. وعان اقىل ايتۋ دەگەندى اشىق تۇردە جۇزەگە اسىرماڭىز. اقىل بەردىم دەگەنىڭىز بيلىكتى قولىما الدىم دەگەنىڭىز. سوندىقتان ساق بولىڭىز.

جىگەرلەندىرۋ

جىگىتكە ەشقاشان جىگەر بەرىپ، قاي جەردە نە ىستەۋ كەرەكتىگىن ۇيرەتپەڭىز. بارىنشا قاراپايىم بولىڭىز. جىگىتتىڭ نامىسىنا تيەتىن ۇلكەن ارەكەتتىڭ ءبىرى دە وسى. سوندىقتان ءوزىڭىزدىڭ ايەل زاتى ەكەنىڭىزدى ەسكەرىپ، قالىس قالىپ وتىرىڭىز.

massaget.kz