19:57, 21 - قاراشا 2016 | GMT +5
ەلباسىعا 5 جاسار ءبۇلدىرشىن قوناققا كەلگىسى كەلەدى - كەسكىن
استانا. قازاقپارات - پاۆلودار وبلىسىندا تۇراتىن 5 جاستاعى ءبۇلدىرشىن فەيسبۋك الەۋمەتتىك جەلىسى ارقىلى قازاقستان پرەزيدەنتىنە قوناققا كەلگىسى كەلەتىندىگىن ايتتى، دەپ حابارلايدى قازاقپارات.
جەلىدە تاراتىلعان بەينە سالەمدەمەدە 5 جاسار بالانىڭ پاۆلودار وبلىسى لەبياجى اۋدانىنا قاراستى اققۋ اۋىلىندا تۇراتىندىعى جازىلعان.
«قۇرمەتتى ەلباسى! مەنىڭ اتىم - زامير رۇستەم ۇلى. مەن اۋىلدا تۇرامىن. مەن 5 جاستامىن. مەنىڭ سىزبەن كەزدەسكىم كەلەدى. ءبىراق، مامام مەن اكەم «ەلباسىنىڭ ۋاقىتى جوق»، دەپ ايتا بەرەدى. جاۋاپ السام، سىزگە قوناققا كەلەمىن. سىزدەن جاۋاپ كۇتەمىن»، - دەيدى كىشكەنتاي ءبۇلدىرشىن.
