الماتى وبلىسىندا 5 مەكتەپ ديرەكتورى پارامەن ۇستالعان
ال ۇستازدار قاۋىمىنىڭ پارا الۋىنا اتا-انالار ىقپال ەتەتىن بولىپ شىقتى.
بۇل ارنايى ساۋالناما ناتيجەسىندە بەلگىلى بولدى. انىقتالعانداي اتا- انالاردىڭ %78 پايىزى اتاۋلى كۇندەرگە، مەرەكەلەرگە وراي تارتۋ-تارالعى جاساۋدى قولدايتىندارىن ءبىلدىردى. سونداي اق ولاردىڭ ءبىرازى وزدەرىنىڭ سىنىپ قورىن قۇرىپ، مۇعالىمدەرگە سىيلىقتار مەن اقشالاي سىياقىلار بەرۋدى دە ءجون سانايدى. بۇل جونىندە بۇگىن ق ر سىبايلاس جەمقورلىققا قارسى ءىس قيمىل ۇلتتىق بيۋروسىنىڭ الماتى وبلىسى بويىنشا دەپارتامەنتىندە وتكەن دوڭگەلەك ۇستەل بارىسىندا ءمالىم بولدى.
جيىندا اتا-انالار كوميتەتىنىڭ جۇمىسىن جاڭعىرتۋ جانە ەسەپ قيساپتارىن اۆتوماتتاندىرۋ تۋرالى پىكىر ايتىلدى. ءبىر جارىم ساعاتقا سوزىلعان شارا قورتىندىسىندا ءبىرقاتار ۇسىنىستار ازىرلەندى. اتالعان ۇسىنىستار جيناقتالىپ ەلىمىزدىڭ ءبىلىم جانە عىلىم مينيسترلىگىنە جولداناتىن بولدى.
ايتا كەتەلىك، جالپى الماتى وبلىسى بويىنشا 35 مىڭنان اسا مۇعالىم ەڭبەك ەتەدى.
سامال قابىشەۆا
