تۇماۋ مەن سۋىق تيۋدەن ءدارىسىز ارىلۋدىڭ، اۋىرماۋدىڭ 5 ءتاسىلى

استانا. قازاقپارات - كۇز كەلىپ، كۇننىڭ سالقىندىعى سەزىلسە بولدى، تۇماۋ مەن سۋىق ءتيۋدىڭ كوبەيەتىنى بەلگىلى.

ونداي كەزدە اعزاعا زيان كەلتىرەتىن انتيبيوتيكتەر مەن دارىلەرسىز قالاي ايىعۋعا بولادى، تۇماۋ مەن سۋىق ءتيۋدىڭ الدىن الۋدىڭ جولدارى قانداي؟

1. انتيبيوتيك، باكتەريالار مەن ۆيرۋستاردى ءولتىرۋ.

سارىمساق پەن پياز. بۇلاردى كۇن سايىن تاعامعا قوسىپ جەگەن دۇرىس، ءبىراق ءيىسى شىعاتى دەيتىندەر سىعىپ، شىرىنىن وسىمدىك مايىمەن ارالاستىرىپ مۇرىنعا جاقسا بولادى. سارىمساقتىڭ شىرىنىن بالمەن (1:1) ارالاستىرىپ كۇنىنە 2 رەت 1-2 شاي قاسىقتان ءىشۋ كەرەك. 3-4 ءتىس سارىمساقتى سۋدا 15 مينۋت قايناتىپ بۋىنا دەمالۋ قاجەت (ينگالياتسيا) .

2. انتيسەپتيك، قاناينالىم مەن زات الماسۋدى جاقسارتۋ.

شاي. قارا شايعا بال مەن ليمون قوسىپ ءىشۋ. نەعۇرلىم كوپ ىشسەڭىز، سوعۇرلىم جاقسى.

3. ىستىقتى ءتۇسىرۋ.

بۇلدىرگەن. جاڭا پىسكەن بۇلدىرگەن (100گ. ) نەمەسە توسابىنىڭ 1-2 قاسىعىن 1 ستاقان قايناعان سۋعا سالىپ، 15 مينۋتتان سوڭ ءىشۋ قاجەت.

4. يممۋنيتەتتى قالپىنا كەلتىرۋ.

ءسۇت. 1 ليتر سۇتكە 4-5 اس قاسىق بال، قىشا، حوش ءيىستى بۇرىش، لاۆر جاپىراعىن سالىپ، قايناعان كەزدە ءوشىرىپ، 5 مينۋتتان سوڭ ءىشۋ كەرەك.

5. تازا اۋا. بولمەنىڭ اۋاسىن ءجيى تازارتىپ تۇرۋ.