17:56, 22 - قىركۇيەك 2016 | GMT +5
ق ر مەملەكەتتىك حاتشىسى 5- باكۋ حالىقارالىق گۋمانيتارلىق فورۋمىنا قاتىسادى
باكۋ. قازاقپارات - ق ر مەملەكەتتىك حاتشىسى گۇلشارا ءابىحالىقوۆا 29-30- قىركۇيەك كۇندەرى وتەتىن V باكۋ حالىقارالىق گۋمانيتارلىق فورۋمىنا قاتىسۋ ءۇشىن باكۋ قالاسىنا بارادى، دەپ حابارلادى ازەربايجانداعى ق ر ەلشىلىگى.
جوسپار بويىنشا، ول فورۋمنىڭ پلەنارلىق وتىرىسىندا ءسوز سويلەيدى جانە دوڭگەلەك ۇستەلدەرگە قاتىسادى.
سونىمەن بىرگە، 30- قىركۇيەك كۇنى مەملەكەتتىك حاتشى مەن گ. اليەۆ اتىنداعى «قازاقستان-ازەربايجان» دوستىق قوعامى اكتيۆىمەن جانە مۇشەلەرىنىڭ كەزدەسۋى وتەدى. بۇل شارا ق ر تاۋەلسىزدىگىنىڭ 25 جىلدىعىنا ارنالادى. وندا ەكى ەلدىڭ مادەنيەت، ونەر جانە ءبىلىم سالاسىنداعى ىنتىماقتاستىق ماسەلەلەرى تالقىلانادى.
كەزدەسۋگە ءار ميللي مەدجليس (پارلامەنت) دەپۋتاتتارى - «قازاقستان- ازەربايجان» پارلامەنتارالىق دوستىق توبىنىڭ مۇشەلەرى، ازەربايجاننىڭ قوعام قايراتكەرلەرى، باكۋدە اككرەديتتەلگەن قازاقستاندىق كومپانيالاردىڭ وكىلدەرى جانە ءازىربايجاندا وقىپ جاتقان قازاقستاندىق ستۋدەنتتەر قاتىسادى.
