ا ق ش- تىڭ القا بيلەر سوتى 5 جىل بۇرىن قازاقستاندىقتى اتىپ تاستاعان پوليتسەيگە قاتىستى ۇكىم شىعارادى - فوتو
رەنكين 2015 -جىلى پورتسمۋت قالاسىنىڭ 18 جاستاعى تۇرعىنى ۋيليام چەپمەندى، ال 2011 -جىلدىڭ ساۋىرىندە قازاقستاندىق كيريلل دەنياكيندى اتىپ تاستاعان. ءبىرىنشى كىسى ولىمىندە پوليتسەيدەن بارلىق ايىپ الىنىپ تاستالدى، دەپ حابارلادى The Guardian باسىلىمى.
امەريكالىق پوليتسەي ءوز كارەراسىندا ەكىنشى جەتكىنشەكتى ولتىرگەندىكتەن، ا ق ش- تا وعان قاتىستى قىلمىستىق ءىس قوزعالدى.
رەنكين وزىنە تاعىلعان ايىپتى مويىندامادى. ونىڭ سوزىنە قاراعاندا، چەپمەن ونى ۇستاۋ كەزىندە قارسىلىق كورسەتكەن. پوليتسەي ءجاسوسپىرىمدى ۇستاپ جاتقاندا ونىڭ بەتى مەن كەۋدەسىنە وق اتقان. ەكەۋى ءبىر مينۋتتاي ارپالىسقان. پوليتسەيدىڭ سوزىنە قاراعاندا، چەپمەن ونىڭ ەلەكتروشوكەرىن تارتىپ الىپتى. قايعىلى وقيعا ءتۇسىپ قالعان ۆيدەو القا بيلەر سوتىنا ۇسىنىلدى.
القا بيلەر سوتى پوليتسەيدى اقتاي الادى نەمەسە قاساقانا كىسى ولتىرۋگە كىنالاي الادى، نەمەسە قىلمىستى ءبىرىنشى دارەجەلى قىلمىس، ەكىنشى دارەجەلى قىلمىس دەپ باعالاي الادى. ەكى قۇرباننىڭ دا قارۋسىز بولعانى انىقتالدى.
ەگەر القا بيلەر سوتى وقيعانى ءبىرىنشى دارەجەلى كىسى ءولتىرۋ دەپ تاپسا، رەنكيندى ەكىنشى رەت اقتاپ الادى.
سونىمەن قاتار، كيريلل دەنياكيننىڭ اناسى ەلەنا دەنياكينا قازىر ا ق ش- تا. قازاقستاندىق ايەل سوتقا قاتىسۋ ءۇشىن 6 مىڭ ميل ءجۇرىپ كەلدى.
گارديان باسىلىمى قۇربان مەن پوليتسەيدىڭ انالارى - ەلەنا دەنياكينا مەن ساللي چەپمەننىڭ كەزدەسۋ ءساتىن سۋرەتكە ءتۇسىرىپ الدى.
ەلەنا دەنياكينا امەريكالىقتىڭ اناسىنا كوڭىل ايتىپ، وسىنداي قايعىلى وقيعانىڭ قايتالانعانىنا وكىنىشتى ەكەنىن ايتتى.
ايتا كەتەيىك، «Work and Travel» باعدارلاماسى بويىنشا پورتسمۋتتاعى قوناق ۇيلەردىڭ بىرىندە اسپاز بوپ جۇمىس ىستەگەن 26 جاستاعا قاراعاندىلىق 2011 -جىلدىڭ 23 - ساۋىرىندە قازا تاپتى. پوليتسيا قىزمەتكەرى ستيۆەن د. رەنكين ونى توناۋشى دەپ ويلاپ، وق اتقان. سول كەزدەگى سوت ىشىمدىككە ماس كۇيىندە، قالتاسىنا قول سالعان دەنياكيننىڭ ءوزى كىنالى ەكەنىن، پوليتسيا قىزمەتكەرىنىڭ ءوزىن قورعاۋ ماقساتىندا وق اتقانىن ايتقان. ايتپاقشى، پوليتسەي رەنكين دەنياكينگە 11 وق جۇمساعان. 
