جىلجىمالى مەديتسينالىق كەشەندەر 5 وبلىستىڭ شالعاي اۋداندارىنا بارادى
دەپ حابارلادى ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ باسپا ءسوز قىزمەتى.
«1-5 - تامىز ارالىعىندا ج م ك قىزىلوردا وبلىسىنىڭ شيەلى، جالاعاش، سىرداريا اۋداندارىنا بارادى. موبيلدى مەديتسينالىق بريگادالاردىڭ قۇرامىنا تەراپيەۆتىك، كارديولوگيالىق، ەندوكرينولوگيالىق، ونكولوگيالىق قىزمەت ماماندارى مەن سالاۋاتتى ءومىر سالتىن قالىپتاستىرۋ ايماقتىق ورتالىعىنىڭ ماماندارى كىرەدى»، دەلىنگەن حابارلامادا.
اتالعان كۇندەرى ماڭعىستاۋ وبلىسىنىڭ شەبىر، تۇشىقۇدىق (ماڭعىستاۋ اۋدانى) ، باسقۇدىق، قىزىلتوبە (مۇنايلى اۋدانى)، سارعا، قاراساي (بەينەۋ اۋدانى) اۋىلدارىنىڭ ءتۇرعىندارى تەراپيەۆت، كارديولوگ، وكۋليست، گينەكولوگ، پسيحولوگ جانە ت. ب. دارىگەرلەرىنىڭ كەڭەسىن الىپ، تەگىن سكرينينگتىك تەكسەرۋدەن وتە الادى.
1-5- تامىز ارالىعىندا پاۆلودار وبلىسى لەبياجى مەن ەرتىس اۋداندارىنىڭ (توقتا اۋىلى) تۇرعىندارىن تەراپيەۆت، پەدياتر، وكۋليست، وتولارينگولوگ، گينەكولوگ، ستوماتولوگ دارىگەرلەر، سونداي- اق، رەنتگەن- كابينەتتەر جانە كلينيكالىق زەرتحانا ماماندارى تەكسەرەتىن بولادى.
سونىمەن قاتار، جىلجىمالى مەديتسينالىق كەشەندەر 1 - تامىزدا اياگوز اۋدانى پروگرەسس اۋىلىنا، 4 تامىزدا شىعىس قازاقستان وبلىسى كوكپەكتى اۋدانى ۇلكەن بوكەن اۋىلىنا بارادى.
3-5 - تامىز ارالىعىندا الەۋمەتتىك ءمانى بار اۋرۋلاردى ەرتە كەزدە انىقتاپ، ولاردى ءارى قاراي ديسپانسەرلىك باقىلاۋ مەن ساۋىقتىرۋ ماقساتىندا قوستاناي وبلىسى قاراسۋ جانە قارابالىق اۋداندارىنىڭ تۇرعىندارىنا مەديتسينالىق بريگادانىڭ بارۋى جوسپارلانىپ وتىر.
2016 -جىلعى 3 - تامىزدا استانالىق لوكوموتيۆتى- جوندەۋ دەپوسىنىڭ قىزمەتكەرلەرىنە كارديولوگ، ەندوكرينولوگ، ونكولوگ، ماممولوگ، نۋتريتسيولوگ جانە ج ي ت س- پەن كۇرەس جانە ونىڭ الدىن الۋ قالالىق ورتالىعىنىڭ ماماندارى جىبەرىلەدى. كاسىپورىندارعا جىبەرىلەتىن اكسيا دۇنيەجۇزىلىك دەنساۋلىق ساقتاۋ ۇيىمىنىڭ ق ر د س ءا د م سالاۋاتتى ءومىر سالتىن قالىپتاستىرۋ پروبلەمالارى ۇلتتىق ورتالىعى 2002 -جىلدان باستاپ جۇزەگە اسىراتىن «دەنساۋلىققا ءتيىمدى جۇمىس ورىندارى» جوباسىن ناسيحاتتاۋعا باعىتتالعان.
ەستەرىڭىزگە سالا كەتەيىك، اعىمداعى جىلعى 1 - شىلدە مەن 31 - تامىز ارالىعىندا رەسپۋبليكا بويىنشا «دەنساۋلىق جولى - 2016» كەڭ كولەمدى اكسياسى وتەدى. ونىڭ ماقساتى - سالاۋاتتى ءومىر سالتىن قالىپتاستىرۋ جانە كوپتەگەن اۋرۋلاردىڭ الدىن الۋ ماسەلەلەرى بويىنشا اۋىل تۇرعىندارىنا اقپاراتتىق ءبىلىم بەرۋ جانە پراكتيكالىق كومەك كورسەتۋ بولىپ تابىلادى.
