ماۋسىم ايىندا قازاقستاندا كوپ قاباتتى ۇيلەردىڭ تەرەزەسىنەن 5 بالا قۇلادى

«ماۋسىمنىڭ تەك العاشقى 7 كۇنىندە كوپ قاباتتى ۇيلەردىڭ تەرەزەسىنەن كىشكەنتاي بالالاردىڭ قۇلاۋىنىڭ 5 وقيعاسى تىركەلدى. ونىڭ ىشىندە ەكەۋى استانادا ورىن السا، تالدىقورعان، قوستاناي جانە تەمىرتاۋ قالالارىنىڭ ءارقايسىسىندا ءبىر وقيعادان بولدى. بالالار ءتۇرلى دەنە جاراقاتتارىمەن مەديتسينالىق مەكەمەلەرگە جاتقىزىلدى. جالپى، جىل باسىنان بەرى كوپ قاباتتى ۇيلەردەن قۇلاعاندىعى جونىندە 20 وقيعا تىركەلدى»، - دەلىنگەن حابارلامادا.

  كوميتەتتىڭ حابارلاۋىنشا، باتىس قازاقستاندا 14 - ماۋسىمدا اقجايىق اۋدانى ەسەنتاي كەنتىندە جايىق وزەنىنە سۋعا شومىلىپ جۇرگەن 2003 -جىلعى بالا سۋعا كەتتى. ونىڭ ءمايىتىن ت ج د جەدەل قۇتقارۋ جاساعىنىڭ قۇتقارۋشىلارى شىعاردى.

 سول كۇنى الماتى قالاسىندا ۇلكەن الماتى وزەنىنە 9 ايلىق نارەستە سۋعا قۇلاپ كەتتى. ونىڭ مۇردەسى بۇگىن تابىلدى.

 15 - ماۋسىمدا پاۆلودار وبلىسى، ەرتىس اۋدانى قارااعاش اۋىلىندا جەكە ءۇي اۋماعىندا اتا- انا قاراۋىنسىز قالعان 2014 -جىلى تۋعان قىز تراكتور شيناسىنا تولتىرىلعان سۋعا باتىپ كەتتى.

استانا قالاسىندا 2012 -جىلى تۋعان بالا اتا- اناسىنىڭ قاراۋىنسىز 5- قاباتتىڭ تەرەزەسىنەن قۇلاپ، اۋرۋحاناعا جەتكىزىلدى.

ت ج جونىندەگى كوميتەت وكىلدەرى اتالعان قايعىلى وقيعالار اتا- انالاردىڭ ءتيىستى دەڭگەيدە بالالارىن قاراماۋىنان بولىپ وتىرعانىن ايتۋدا. وسى رەتتە قۇتقارۋشىلار اتا- انالاردى سابيلەردى ءجىتى نازاردا ۇستاپ، ولاردى قاراۋسىز قالدىرماۋعا شاقىردى.

قۇتقارۋشىلار پاتەردە كىشكەنتاي بالالار بولعان جاعدايدا تەرەزەلەردى اشىق قالدىرماۋ جايىندا، تەرەزەلەردىڭ الدىنان جيھازداردىڭ بارلىق تۇرلەر الىپ تاستاۋ،   بالانى قاراۋسىز قالدىرماۋ تۋرالى ەسكەرتۋ جاساۋدا. وسىعان بايلانىستى ت ج ك ماماندارى تەرەزەنىڭ ايقارا اشىلۋىنا جول بەرمەيتىن ارنايى بەكىتكىشتەردى ورناتۋ ۇسىنىسىن جاساپ وتىر.

 اۆتور:   رۋسلان عابباسوۆ