دزيۋدودان ەرلەر مەن ايەلدەر قۇراماسىندا وليمپياداعا 5 جولداما عانا بار

استانا. قازاقپارات - دزيۋدودان قازاقستان قۇراماسىنان 2016-جىلى ريو-دە-جانەيرودا وتەتىن وليمپيادا ويىندارىنا جولداما ازىرگە تەك 5 سپورتشىعا عانا بۇيىردى، دەپ حابارلايدى Baq.kz ءتىلشىسى.

ەرلەر اراسىندا 60 كەلىگە دەيىنگى سالماق دارەجەسىندە ەلدوس سمەتوۆ (جالپى رەيتينگتە 4-ورىن)، 66 كەلىدە جانساي سماعۇلوۆ (17-ورىن) جانە ماكسيم راكوۆ (20-ورىن) ريو وليمپياداسىنا قاتىسۋعا مۇمكىندىگى بار.

قىزدار قۇراماسىنان 48 كەلىگە دەيىنگى سالماق دارەجەسىندە گالبادراح وتگونتسەتسەگ جالپى رەيتينگتە ءۇشىنشى ورىنعا تۇراقتاپ، وليمپياداعا قاتىسۋعا مۇمكىندىك السا، 63 كەلى سالماقتا ەل نامىسىن قورعاپ جۇرگەن ماريان وردابايەۆا ازيا قۇرلىعىنا بولىنگەن جولدامانى يەلەنىپ، ءتورتجىلدىقتىڭ باستى باسەكەسىندە قازاقستان اتىنان سىنعا تۇسەتىن بولدى.

قالعان سالماقتاعى دزيۋدوشىلارىمىز رەيتينگتەگى ورىندارىنىڭ تومەن بولۋىنا بايلانىستى وليمپيادا ويىندارىنان تىس قالىپ وتىر.