قىزىلوردا وبلىسىندا جوعالىپ كەتكەن 5 ادام تابىلدى - فوتو
جاساق قۇتقارۋشىلارى وسى حابار تۇسكەن بويدا ىزدەستىرۋ- قۇتقارۋ جۇمىستارىن باستاپ كەتتى. بۇل تۋرالى وبلىستىق ت ج د باسپا ءسوز قىزمەتى حابارلادى.
قۇتقارۋ جۇمىسىنا 9 قۇتقارۋشى، 2 بىرلىك تەحنيكا ۇرلەمەلى موتورلى قايىقتارىمەن قاتىستى. جاساق قۇتقارۋشىلارى قىزىلوردا - جەزقازعان تاس جولىنىڭ 175-250 شاقىرىم اراسىندا وڭتۇستىك قازاقستان وبلىسى سوزاق اۋىلى تايقوڭىر ۋچاسكەسىنەن 36 شاقىرىم جەردە مالشىلار ۇيىنەن اداسقان ءتورت ادامدى تاپتى. ولاردىڭ ايتۋى بويىنشا، 2016 -جىلدىڭ 2 -مامىر كۇنى قالجان احۋن اۋىلىنان قاراعاندى وبلىسىنىڭ اۋماعىنا كيىكتىڭ ءمۇيىزىن ىزدەۋگە شىققان. الايدا جارتى جولدا، ياعني 2016 -جىلدىڭ 5 -مامىر كۇنى ۋاز اۆتوكولىكتەرى بۇزىلىپ، سول جەردە جۇرگىزۋشىنى قالدىرىپ كەتكەنى جونىندە ايتقان. ءارى قاراي قۇتقارۋشىلار ىزدەستىرۋ قۇتقارۋ- جۇمىستارىن جالعاستىرىپ، 100 شاقىرىم قاشىقتىق ءجۇرىپ، سارىسۋ وزەنىنىڭ جاعالاۋىن سۋ باسۋ سالدارىنان اۆتوكولىكتى قالدىرىپ، 20 شاقىرىم جاياۋ ءجۇرىپ، ۋاز اۆتوكولىگىن جۇرگىزۋشىسىمەن بىرگە تاپتى.
بىرنەشە كۇن بويى اداسىپ جۇرگەن زارداپ شەگۋشىلەردىڭ جاعدايى امان- ەسەن، دارىگەرلىك كومەكتى قاجەت ەتپەدى.
اۆتور: ەلۋباي اۋەزوۆ
