17:14, 29 - ءساۋىر 2016 | GMT +5
تايۆان سەنساتسياسى: ءسابي 5 مىڭ جىل اناسىنىڭ قۇشاعىندا بولعان - كەسكىن
استانا. قازاقپارات - تايۆان ارحەولوگتارى سەنساتسيالىق جاڭالىق اشتى. ولار ءسابيىن قولىنا العان انانىڭ ءمايىتىن تاپتى.
نارەستە اناسىنىڭ قۇشاعىندا 5 مىڭ جىلداي بولعان ەكەن.
بۇل تۋرالى NTD تەلەارناسى حابارلادى.
جاراتىلىس تانۋ عىلىمدارىنىڭ ۇلتتىق مۇراجايى انتروپولوگيا ءبولىمىنىڭ ساقتاۋشىسى چجۋ حۋەيلي ارحەولوگتار مەن مۇراجاي قىزمەتكەرلەرى بۇعان تاڭ قالعاندىقتارىن ايتتى.
ايەلدىڭ تىستەرى ارقىلى ونىڭ 4800 جىل بۇرىن، نەوليت داۋىرىندە ءومىر سۇرگەنى انىقتالدى. جاسى شامامەن 20 لاردا بولعان، ال نارەستەسىنىڭ ءتىسى شىقپاعان.
بۇل مايىتتەردىڭ جانىنان ارحەولوگتار ەجەلگى ىدىس-اياقتار مەن 48 ادامنىڭ مۇردەسىن تاپتى.
