ازىق- تۇلىك قاۋىپسىزدىگى جونىندەگى يسلام ۇيىمىنا 5 مەملەكەت قوسىلدى
ۇندەۋدى ق ر پرەمەر- ءمينيسترى كارىم ءماسىموۆ جاريا ەتتى.
«ازىق- تۇلىك قاۋىپسىزدىگى جونىندەگى يسلام ۇيىمى باس اسسامبلەياسىنىڭ تۇساۋكەسەر سەسياسىنا قاتىسۋشىلارعا! قۇرمەتتى حانىمدار مەن مىرزالار! ازىق- تۇلىك قاۋىپسىزدىگى جونىندەگى يسلام ۇيىمى باس اسسامبلەياسىنىڭ تۇساۋكەسەر سەسسياسىنا «ۇلى دالا ەلىنىڭ» ەلورداسى استاناعا قوش كەلدىڭىزدەر! 2011 -جىلى ي ى ۇ سىرتقى ىستەر مينيسترلەرى 38- كەڭەسىنە ءتوراعالىعىمىز بارىسىندا كوتەرىلگەن ءوزارا ازىق- تۇلىك جاردەم قورىن قۇرۋ تۋرالى باستامانىڭ قولداۋ تاپقانىنا شىنايى ريزاشىلىعىمدى بىلدىرەمىن.
اتالعان ۇيىم حاتشىلىعىنىڭ استانادا ورنالاسۋىن قازاقستان ءۇشىن ەرەكشە سەنىم مەن جاۋاپكەرشىلىك دەپ تۇسىنەمىز. يسلام الەمى اشارشىلىقتى جويۋ، اۋىل شارۋاشىلىعىن دامىتۋ، ازىق- تۇلىك قاۋىپسىزدىگىن قامتاماسىز ەتۋ سياقتى كوكەيتەستى ماسەلەلەردى شەشەۋدەن شەت قالماۋى ءتيىس.
ي ى ۇ- عا مۇشە مەملەكەتتەر كۇش- جىگەرلەرىن جۇمىلدىرۋ ارقىلى ازىق- تۇلىك قاۋىپسىزدىگىن قامتاماسىز ەتۋگە قوماقتى ۇلەس قوسا الادى. ءوز كەزەگىمىزدە ەلىمىزدىڭ اۋىل شارۋاشىلىعى، كولىك- لوگيستيكالىق جانە ەكسپورتتىق جۇيەلەرىنىڭ الەۋەتىن بارىنشا پايدالانۋعا ءازىرمىز. الداعى ۋاقىتتا ي ى ۇ- عا مۇشە بارلىق ەلدەر ازىق- تۇلىك قاۋىپسىزدىگى جونىندەگى يسلام ۇيىمىنا قوسىلاتىنىنا سەنىم بىلدىرەمىن»، - دەلىنگەن ق ر پرەزيدەنتى ۇندەۋىندە.
ەلوردادا ءوتىپ جاتقان ازىق- تۇلىك قاۋىپسىزدىگى جونىندەگى يسلام ۇيىمى باس اسسامبلەياسىنىڭ قۇرىلتايشى سەسسياسىندا ۇيىمعا 5 مەملەكەتتىڭ قوسىلۋى رەسمي راسىمدەلدى.
«وسى ءىس- شارانى ۇيىمداستىرۋ كەزىندە ءبىرقاتار مەملەكەتتەن ازىق- تۇلىك قاۋىپسىزدىگى جونىندەگى يسلام ۇيىمىنا قوسىلۋ نيەتتەرى بار ەكەندىگى تۋرالى وتىنىشتەرىن الدىق. قازىر سول مەملەكەتتەردىڭ ازىق- تۇلىك قاۋىپسىزدىگى جونىندەگى يسلام ۇيىمى جارعىسىنا قول قويۋ راسىمىنە كەزەك بەرەيىك»، - دەدى ق ر اۋىل شارۋاشىلىعى ءمينيسترى اسىلجان مامىتبەكوۆ.
وسىدان كەيىن بانگلادەش، كاتار، مازامبيك، تاجىكستان جانە كامەرۋن ەلدەرىنىڭ وكىلدەرى ازىق- تۇلىك قاۋىپسىزدىگى جونىندەگى يسلام ۇيىمى جارعىسىنا قول قويدى.
اۆتور: مارلان جيەمباي 
